ମଙ୍ଗଳାମନ୍ଦିରରେ ଲାଗିଲା ବଡ଼ଘଣ୍ଟି
ନିମାପଡ଼ା, (ସନ୍ତୋଷ ଦାଶ):ପୁରୀ ଜିଲ୍ଲା କାକଟପୁର ର ଅଧିଷ୍ଠାତ୍ରୀ ଦେବୀ ମା ମଙ୍ଗଳା ଙ୍କୁ ଦର୍ଶନ ନିମନ୍ତେ ରାଜ୍ୟ ଏବଂ ରାଜ୍ୟ ବାହାରୁ ବହୁ ମାତୃ ଭକ୍ତ ଦୈନଦିନ ଆସିଥାନ୍ତି। ମା ଙ୍କୁ ଦର୍ଶନ ସାରିଲା ପରେ ନିଜ ନିଜ ପରିବାର ପାଇଁ ହେଉ ଅବା ନିଜ ପାଇଁ ହେଉ କିଛି ମାନସିକ କରିଥାନ୍ତି । ମା ମଙ୍ଗଳା ଡେରିରେ ହେଉ ଅବା ଶୀଘ୍ର ନିଶ୍ଚୟ ଭକ୍ତ ମାନଙ୍କ ମାନସିକ ପୂରଣ କରିଥାନ୍ତି ବୋଲି ବିଶ୍ୱାସ ରହିଛି। ଖୋର୍ଦ୍ଧା ନିବାସୀ ନାରାୟଣ ମହାନ୍ତି ମା ଙ୍କ ନିକଟରେ କିଛି ମାନସିକ କରିଥିଲେ। ତାହା ପୂର୍ଣ୍ଣ ହେବାପରେ ସେ ଖୁସି ହୋଇ ପ୍ରାୟ ଏକ କୁଇଣ୍ଟାଲ କୋଡିଏ କେଜି ରୁ ଉର୍ଦ୍ଧ ଓଜନ ର ବଡ଼ ପିତ୍ତଳ ଘଣ୍ଟି ଟିଏ ମନ୍ଦିର କୁ ଦାନ କରିଥିଲେ।ଯାହାର ଆନୁମାନିକ ମୂଲ୍ୟ ଅଶି ହଜାର ଟଙ୍କା ରୁ ଉର୍ଦ୍ଧ ହେବ ବୋଲି ଅନୁମାନ କରାଯାଉଛି। ଆଜି ମନ୍ଦିର ପ୍ରଶାସନ ପକ୍ଷରୁ ଉକ୍ତ ବଡ଼ ଘଣ୍ଟି ଟିକୁ ସ୍ନାନ ମଣ୍ଡପ ପାଖରେ ଲଗାଯାଇଛି। ମନ୍ଦିର ଟ୍ରଷ୍ଟ ବୋର୍ଡ଼ ସଭାପତି ତଥା ତହସିଲ ଦାର ବିରଞ୍ଚି ନାରାୟଣ ବେହେରା, କାର୍ଯ୍ୟ ନିର୍ବାହୀ ଅଧିକାରୀ କୈଳାଶ ଚନ୍ଦ୍ର ଦାଶ ଙ୍କ ତତ୍ଵାବଧାନ ରେ ମାନସିକ ଧାରୀ ନାରାୟଣ ମହାନ୍ତି ଙ୍କ କୁଳ ପୁରୋହିତ ତଥା ବରିଷ୍ଠ ପୂଜା ପଣ୍ଡା ଲଳିତ କୁମାର ଦୀକ୍ଷିତ ଓ ଶରତ କୁମାର ଦୀକ୍ଷିତ ଙ୍କ ଉପସ୍ଥିତି ରେ ମନ୍ଦିର କର୍ମଚାରୀ ଙ୍କ ଦ୍ୱାରା ଘଣ୍ଟି ଲଗାଯାଇଛି।
