ମଠ,ମନ୍ଦିର ରେ ଶ୍ରୀ ରାଧା ପାଦ ଦର୍ଶନ

ଶେରଗଡ, (ଯୁଗାବ୍ଦ ନ୍ୟୁଜ):ଧର୍ମ ମାସ କାର୍ତ୍ତିକ ରେ ପବିତ୍ର ଅଁଳା ନବମୀ ରେ ଶେରଗଡ ସହର ମଧ୍ୟରେ ଥିବା ସ୍ବାମୀ ରାଧାକୃଷ୍ଣ ଙ୍କ ମନ୍ଦିରରେ ରାଧା ପାଦ ଦର୍ଶନ ଉତ୍ସବ ଅନୁଷ୍ଠିତ ହୋଈଯାଈଛି। ପ୍ରାତଃ ରୁ ମଙ୍ଗଳ ଆଳତୀ କରାଯାଈ ଶ୍ରୀ ରାଧା ଙ୍କୁ ଓଡିଆଣୀ ବେଶ ରେ ସଜ୍ଜିତ କରାଯାଇଥିଲା। ଆଖପାଖ ଅଞ୍ଚଳର ଶହ ଶହ ଶ୍ରଦ୍ଧାଳୁ ଙ୍କ ସମାଗମ ହୋଈଥିବା ଦେଖିବାକୁ ମିଳିଥିଲା। ସକାଳୁ ଭଜନ କୀର୍ତ୍ତନ ଆରମ୍ଭ କରାଯାଇ ରାଧାକୃଷ୍ଣ ଙ୍କ ସ୍ବତନ୍ତ୍ର ପୂଜାର୍ଚ୍ଚନା ପରେ ସର୍ବସାଧାରଣଙ୍କ ନିମନ୍ତେ ରାଧା ପାଦ ଦର୍ଶନ କାର୍ଯ୍ୟକ୍ରମ ଚାଲୁ ରହିଥିଲା। ସକାଳୁ ଆରମ୍ଭ କରି ବିଳମ୍ବିତ ରାତି ପର୍ଯ୍ୟନ୍ତ ଶ୍ରଦ୍ଧାଳୁ ଙ୍କ ସମାଗମ ହୋଈଥିଲା। ମଠର ମହନ୍ତ କୌଶଳ କିଶୋର ଦାସ ମହାରାଜ ଙ୍କ ତତ୍ବାବଧାନରେ ଏହି ଉତ୍ସବ ଅନୁଷ୍ଠିତ ହୋଇଥିଲା। ସେହିପରି ଶେରଗଡ ସହର ସମେତ ବ୍ଲକରେ ଥିବା ବିଭିନ୍ନ ମଠ ଓ ମନ୍ଦିରରେ ଅଁଳା ନବମୀ ଉତ୍ସବ ଅନୁଷ୍ଠିତ ହୋଈଯାଈଛି।