ମଥୁରା ଗ୍ରାମରେ ଗଣେଶ ପୂଜା ଓ ବିସର୍ଜନ ଅନୁଷ୍ଠିତ

ପୋଲସରା,(ଅନିଲ କୁମାର ମହାରଣା):ଗଞ୍ଜାମ ଜିଲ୍ଲାର ପୋଲସରା ବ୍ଲକ୍ ଅନ୍ତର୍ଗତ ମଥୁରା ଗ୍ରାମର ସବୁଜ ମୈତ୍ରୀ ଯୁବ ସଂସଦୀୟ ପାଠାଗାର ପକ୍ଷରୁ ଗଣେଶ ଚତୁର୍ଥୀ ଠାରୁ ଗଣେଶ ପୂଜା ଅନୁଷ୍ଠିତ ହେଉଥିବା ବେଳେ ସେପ୍ଟେମ୍ବର ୧୩ ତାରିଖ ଦିନ ମୂର୍ତ୍ତି ବିସର୍ଜନ ହୋଇଥିଲା। ମଥୁରା ଗ୍ରାମର ଯୁବ ସମାଜ ଗଣେଶ ପୂଜା ମହା ଆଡମ୍ବର ସହ କରିଥିବା ବେଳେ ଗଣେଶଙ୍କ ନିକଟରେ ଅନ୍ନ ଭୋଗ ହେଉଥିଲା। ପ୍ରାୟ ଏକ ହଜାର ଶ୍ରଦ୍ଧାଳୁ ଶ୍ରୀ ଗଣେଶଙ୍କ ପୂଜା ପାଇଁ ହୋଇଥିବା ଅନ୍ନ ପ୍ରସାଦ ସେବନ କରିଥାନ୍ତି। ଶ୍ରଦ୍ଧାଳୁମାନେ ଆକର୍ଷଣୀୟ ମେଢ଼ ଓ ଆଲୋକ ସଜାର ସୌନ୍ଦର୍ଯ୍ୟ ସହ ଅଗ୍ରପୂଜ୍ୟ ଗଣନାଥଙ୍କୁ ଦର୍ଶନ କରି ଆଶୀର୍ବାଦ ଭିକ୍ଷା କରୁଥିବା ଦେଖିବାକୁ ମିଳିଥିଲା।