ମଦ ଜବତ ଅଭିଯୁକ୍ତ ଗିରଫ     

ଦିଗପହଣ୍ଡି, (ଯୁଗାବ୍ଦ ନ୍ୟୁଜ):ଦିଗପହଣ୍ଡି ବ୍ଲକ  ବଡ଼ଡୁମ୍ବୁଳା ପଞ୍ଚାୟତ ମହୁଲପଡ଼ା ଗ୍ରାମର ସନ୍ତୋଷ ମଳିକ ଙ୍କୁ ବୁଧବାର ଥାନା ମାମଲା ନଂ.୩୮୦/୨୪ ଅନୁଯାୟୀ କୋର୍ଟ ଚାଲାଣ କରାଯାଇଛି। ଚିକିଟି ରେ ବିଷାକ୍ତ ମଦ  ପିଇ ୫ ଜଣ ମୃତ୍ୟୁବରଣ କରିଥିବା ବେଳେ ଅନେକ ଏବେବି ଅସୁସ୍ଥ ରହି ଚିକିତ୍ସିତ ହେଉଛନ୍ତି। ଥାନା ଇଲାକାରେ ଅବକାରୀ ଧରପଗଡ କୁ ଜୋରଦାର କରିବା ପାଇଁ ମଙ୍ଗଳବାର ସନ୍ଧ୍ୟାରେ ଦିଗପହଣ୍ଡି ଥାନା ଆଇଆଇସି ପ୍ରଶାନ୍ତ କୁମାର ପାତ୍ର ଙ୍କ ନିର୍ଦ୍ଦେଶକ୍ରମେ ଥାନା ଏସ.ଆଇ ଜ୍ୟୋତି ରଞ୍ଜନ ବେହେରା ସଦଳବଳେ ଆଦିବାସୀ ବହୁଳ ବିରିବାଡ଼ିଆ,ତିନିଘରିଆ,ନୂଆଗାଁ ପ୍ରଭୃତି ଇଲାକାରେ ପାଟ୍ରୋଲିଂ କରୁଥିବା ବେଳେ ମହୁଲପଡ଼ା ଗ୍ରାମ  ରାସ୍ତାକଡ ରେ ଅଭିଯୁକ୍ତ ବେଆଇନ ଭାବେ ମଦ ବିକ୍ରି କରୁଥିବା ବେଳେ ଧରାପଡିଥିଲେ। ତାଙ୍କ ନିକଟରେ ଥିବା ଏକ ପ୍ଲାଷ୍ଟିକ ଜାରକିନ କୁ ଖାନ ତଲାସ କରିବାରେ ସେଥିରେ ୨୦ ଲିଟର ଦେଶୀ ମଦ ଜବତ ଥିବା ଜଣାପଡିଥିଲା।   ପୋଲିସ ଟିମ୍ ତାଙ୍କୁ ଥାନାକୁ ଉଠାଇ ଆଣିଥିଲେ। ଏନେଇ ଏସ.ଆଇ ଜ୍ୟୋତି ରଞ୍ଜନ ବେହେରା ଥାନାରେ ଏତଲା ଦେଇଥିଲେ।ଏତଲାକୁ ଭିତ୍ତିକରି ଅଭିଯୁକ୍ତ ଙ୍କ ବିରୋଧରେ ମକଦ୍ଦମା ରୁଜୁ କରାଯାଇଥିଲା।ତଦନ୍ତକାରୀ ଅଧିକାରୀ ଏଏସଆଇ ଝୁନୁ ମାଝୀ ଅଭିଯୁକ୍ତ ଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି।