ମଦ ଜବତ, ତିନି ଗିରଫ

ଭଣ୍ଡାରିପୋଖରୀ, (ଦୁର୍ଯ୍ୟୋଧନ ଲେଙ୍କା) :-ଧାମନଗର ଅବକାରୀ ବିଭାଗ ପକ୍ଷରୁ ଭଣ୍ଡାରିପୋଖରୀ ଅଂଚଳର ବିଭିନ୍ନ ସ୍ଥାନରେ ଚଢ଼ାଉ ହୋଇଥିବା ବେଳେ ଏଥିରେ ବ୍ୟାପକ ପରିମାଣର ବେଆଇନ ମଦ ଜବତ କରାଯାଇଛି। ଅବକାରୀ ଥାନା ଭାରପ୍ରାପ୍ତ ଅଧିକାରୀ ପ୍ରହଲ୍ଲାଦ ସାମଲଙ୍କ ନେତୃତ୍ୱରେ ବ୍ଲକର ନଗୁଆଁ, ପାଟୁଳି, ମଞ୍ଜୁରୀରୋଡ଼, ନାଆମୀ ପ୍ରମୁଖ ସ୍ଥାନରେ ଚଢ଼ାଉ ହୋଇଥିଲା । ଚଢ଼ାଉ ବେଳେ ୮୦ଲିଟର ଦେଶୀ ମଦ ଓ ୧୦ଲିଟର ବେଆଇନ ଆସ୍କା ଫର୍ଟି ମଦ ଜବତ କରାଯାଇଛି। ଏହାସହିତ ୩ଜଣଙ୍କୁ ମଧ୍ୟ ଗିରଫ କରାଯାଇଥିବା ସୂଚନା ମିଳିଛି । ଚଢ଼ାଉରେ ଏଏସଆଇ ପୁରୁଷୋତ୍ତମ ମଲ୍ଲିକ, କନେଷ୍ଟବଳ ରମେଶ ନାୟକ, ଅନବାଦିତ୍ୟ ବାରିକ, ଶିବ ପ୍ରସାଦ ସାହୁ, ସଂଧ୍ୟାରାଣୀ ସେନାପତି, ଜେମାମଣି ଜାମୁଡ଼ା ପ୍ରମୁଖ ସାମିଲ ଥିଲେ ।