ମନ୍ଦିର ପ୍ରତିଷ୍ଠା ଉତ୍ସବ

ଭଣ୍ଡାରିପୋଖରୀ, (ଦୁର୍ଯ୍ୟୋଧନ ଲେଙ୍କା) :ଭଣ୍ଡାରିପୋଖରୀ ବ୍ଲକ ଦକ୍ଷିଣବାଡ଼ ପଞ୍ଚାୟତ ବଣସାହି ଠାରେ ବାବା ବଟେଶ୍ୱରଙ୍କ ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି। ମୁଖ୍ୟପୂଜକ ଜଗନ୍ନାଥ ପଣ୍ଡାଙ୍କ ଦ୍ୱାରା ବୈଦିକି ରୀତି ନୀତି ଅନୁଯାୟୀ କଳସ ଯାତ୍ରା ଆରମ୍ଭ ହେବା ପରେ ମନ୍ଦିର ପ୍ରତିଷ୍ଠା ଉତ୍ସବ ଆରମ୍ଭ ହୋଇଥିଲା। ପ୍ରଥମେ ଗଣପତିଙ୍କ ପୂଜା ଓ ପରେ ସୂର୍ଯ୍ୟ ପୂଜା, ଘଟପୂଜା ସହିତ ବଟେଶ୍ୱରଙ୍କ ଅନ୍ୟାନ୍ୟ ପୂଜାବିଧି ଆୟୋଜିତ ହୋଇଥିଲା। ସହଯୋଗୀ ପୂଜକ ଦିଲ୍ଲୀପ କୁମାର ଦାସ, ପ୍ରସନ୍ନ କୁମାର ପଣ୍ଡା, ଗଜେନ୍ଦ୍ର ପଣ୍ଡା ପ୍ରମୁଖ ପୂଜା କାର୍ଯ୍ୟ ସମ୍ପନ୍ନ କରିଥିଲେ। ଏଥିରେ ସଂକଳ୍ପ କର୍ତ୍ତା ଭାବେ ଶୁଶାନ୍ତ କୁମାର ରାଉତ, ପ୍ରଶାନ୍ତ କୁମାର ରାଉତ, ସୁରେନ୍ଦ୍ର ପ୍ରସାଦ ରାଉତ, ସନ୍ତୋଷ କୁମାର ରାଉତ ଦାୟିତ୍ୱ ତୁଲାଇଥିବା ବେଳେ ମନ୍ଦିର ପ୍ରତିଷ୍ଠା ଉତ୍ସବକୁ ଗ୍ରାମବାସୀ ମାନେ ପରିଚାଳନା କରିଥିଲେ ।