ମରୈଗାଁ ବରିଷ୍ଠ ନାଗରିକ ସଂଘର ଷଷ୍ଠ ବାର୍ଷିକ ସ୍ୱନକ୍ଷତ୍ର ଉତ୍ସବ

ହାଟଡିହି, (ବିକାଶ ବିଶ୍ୱାଳ):ବରିଷ୍ଠ ନାଗରିକ ସଂଘ ମରୈଗାଁର ଷଷ୍ଠ ବାର୍ଷିକ ସ୍ୱନକ୍ଷତ୍ର ଉତ୍ସବ ଅନୁଷ୍ଠିତ ହୋଇ ଯାଇଛି। ସଂଘର ସଭାପତି ଗୋପବନ୍ଧୁ ସୁଆରଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ହାଟଡିହି ବ୍ଲକର ବିଡିଓ ସୌମ୍ୟଶ୍ରୀ ପାଣିଗ୍ରାହୀ, ଶାଳଣିଆଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଭାରପ୍ରାପ୍ତ ମୁଖ୍ୟ ଚିକିତ୍ସା ଅଧିକାରୀ ଡାକ୍ତର ପ୍ରଭାତ ନାୟକ, ରାଜ୍ୟ ସଂଘର ସଭାପତି ପ୍ରଶନ୍ନ କୁମାର ଦାଶ, ସମ୍ପାଦକ ରାଜ କିଶୋର ସାମନ୍ତରାୟ, କାର୍ଯ୍ୟକାରୀ ସଭାପତି ଗିରିଜାନନ୍ଦନ ମହାନ୍ତ, ପ୍ରଜାପିତା ବ୍ରହ୍ମାକୁମାରୀ ଅନୁରାଧା ଭଉଣୀ, ମରୈଗାଁ ପଞ୍ଚାୟତର ସରପଞ୍ଚ ସତ୍ୟଭାମା ଜେନା ପ୍ରମୁଖ ଯୋଗଦେଇ ବରିଷ୍ଠ ନାଗରିକ ମାନଙ୍କ ବିଭିନ୍ନ ସମସ୍ୟା ଓ ତାର ସମାଧାନ ଉପରେ ନିଜ ନିଜର ବକ୍ତବ୍ୟ ରଖିଥିଲେ। ବିଶେଷକରି ବରିଷ୍ଠ ନାଗରିକ ମାନେ ସରକାରଙ୍କ ପକ୍ଷରୁ ଯୋଗାଇଦିଆଯାଉଥିବା ସମସ୍ତ ପ୍ରକାର ସହାୟତା କିପରି ପାଇ ପାରିବେ ସେନେଇ ଅତିଥିମାନେ ଗୁରୁତ୍ବାରୋପ କରିଥିଲେ। ସମ୍ପାଦକ ବୃନ୍ଦାବନ ପଣ୍ଡା କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ଉପେନ୍ଦ୍ର ନାଥ ନାୟକ, ବିଶ୍ଵନାଥ ମଲ୍ଲିକ, ବାଣେଶ୍ଵର ଜେନା, ସାବିତ୍ରୀ ଜେନା, ଗଣେଶ୍ବର ମହାନ୍ତି, ଜଳଧର ମହାପାତ୍ର, ନକୁଳ ଚ଼ରଣ ସାମଲ, ନାରାୟଣ ସାହୁ, ଦୈତାରୀ ସାବତ, ସୁରେନ୍ଦ୍ର ପରିଡା, କୃଷ୍ଣଚନ୍ଦ୍ର ପଣ୍ଡା, ନିରଞ୍ଜନ ସା, ଅନାମ ଚ଼ରଣ ଜେନାଙ୍କ ସମେତ ବିଭିନ୍ନ ଗ୍ରାମର ଶତାଧିକ ବରିଷ୍ଠ ନାଗରିକ ଉତ୍ସବରେ ଅଂଶ ଗ୍ରହଣ କରିଥିଲେ।