ମର୍ମତୁନ୍ତ ସଡ଼କ ଦୁର୍ଘଟଣାରେ ଜଣଙ୍କ ମୃତ୍ୟୁ

କଟକ, (ଦୀପକ୍ କୁମାର ବେଉରା):ବାରଙ୍ଗ ଥାନା ଅନ୍ତର୍ଗତ ଷଣ୍ଢପୁର ଛକରେ ଏକ ଓମ୍ଫେଡ ଗାଡି OR ୦୨A ୪୧୯୫ ନମ୍ବର ଗାଡି ମାଡିଯିବା ଫଳରେ ବ୍ରହ୍ମଣୀ ଗ୍ରାମର ଶୁକଦେବ ବସ୍ତିଆ ଙ୍କ ଘଟଣା ସ୍ଥଳ ରେ ମୃତ୍ୟୁ ଘଟିଛି l ଶୁକଦେବ ପରିବା ବେପାର କରି ପରିବାର ପୋଷଣ କରୁଥିଲେ l ସେ ସବୁଦିନ ଭଳି ଆଜି ମଧ୍ୟ ପରିବା ବେପାର କରିସାରି ଦିନ ୧ଟା ସମୟରେ ଏକ ସାଇକେଲ ଯୋଗେ ଘରକୁ ଫେରୁଥିବା ସମୟରେ ଦୁର୍ଘଟଣା ର ଶିକାର ହୋଇଥିଲେ l ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଛି l ଓମ୍ଫେଡ ଗାଡି ଡ୍ରାଇଭର ଗାଡି ଛାଡି ଚମ୍ପଟ ମାରି ଥିବାବେଳେ ଘଟଣା ସ୍ଥଳରେ ସ୍ଥାନୀୟ ଲୋକଙ୍କ ଉତେଜନା ଦେଖିବାକୁ ମିଳିଥିଲା l ଖବର ପାଇ ବାରଙ୍ଗ ଥାନା ପୋଲିସ୍ ଘଟଣା ସ୍ଥଳରେ ପହଂଚି ଉତ୍ୟକ୍ତ ଲୋକଙ୍କୁ ବୁଝା ସୁଝା କରିବା ସହିତ ଶବ କୁ ଗାଡି ଚକା ତଳୁ ଉଦ୍ଧାର କରି ପିସିଆର ଯୋଗେ ବଡ଼ ମେଡ଼ିକାଲକୁ ବ୍ୟବଚ୍ଛେଦ ନିମନ୍ତେ ପଠାଇବା ସହ ଦୁର୍ଘଟଣା ଘଟାଇଥିବା ଗାଡିଟିକୁ ଥାନାରେ ଅଟକ ରଖିଛି l