ମହତାବ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ

ଭଣ୍ଡାରିପୋଖରୀ,(ଦୁର୍ଯ୍ୟୋଧନ ଲେଙ୍କା): ଭଣ୍ଡାରିପୋଖରୀ ବ୍ଲକ ଦକ୍ଷିଣବାଡ ପଞ୍ଚାୟତର ହାଇସ୍କୁଲ ପଡିଆ ଠାରେ ଏକଦିବସୀୟ ମହତାବ କ୍ଲବ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ ସାରୋ ସହିତ ଚନ୍ଦ୍ରଭାନୁପୁର ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ଚନ୍ଦ୍ରଭାନୁପୁର କ୍ରିକେଟ ଟିମକୁ ହରାଇ ସାରୋ କ୍ରିକେଟ ଟିମ ଚାମ୍ପିଅନ ଆଖ୍ୟା ଅର୍ଜନ କରିଥିଲା । ଚନ୍ଦ୍ରଭାନୁପୁର କ୍ରିକେଟ ଟିମ ଟସ ଜିତି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫ଓଭରରେ ସମସ୍ତ ଉଇକେଟ ହରାଇ ୨୯ରନ ସଂଗ୍ରହ କରିଥିଲା । ଜବାବରେ ସାରୋ କ୍ରିକେଟ ଟିମ ୪.୩ଉଭରରେ ୪ଉଇକେଟ ହରାଇ ୩୨ରନ କରି ବିଜୟୀ ହୋଇଥିଲା । ଭଣ୍ଡାରିପୋଖରୀ ହାଇସ୍କୁଲର ପ୍ରଧାନଶିକ୍ଷକ ରମାକାନ୍ତ ଲେଙ୍କା ଅତିଥି ଭାବେ ଯୋଗଦେଇ ଟୁର୍ଣ୍ଣାମେଣ୍ଟକୁ ଉଦଘାଟନ କରିଥିଲେ । ଅନୁଷ୍ଠିତ ଉଦଯାପନୀ ପୁରସ୍କାର ବିତରଣ ସଭାରେ ମୁଖ୍ୟ ଅତିଥି ଭାବେ ସରପଞ୍ଚ ବିଜୟ ଶଙ୍କର ମହାନ୍ତି, ନାଏବ ସରପଞ୍ଚ ସଞ୍ଜୟ ମଲ୍ଲିକ ଯୋଗଦେଇ ଚାମ୍ପିଅନ ଓ ରନଅର୍ସଅପ ଦଳକୁ ପୁରସ୍କୃତ କରିଥିଲେ । ମ୍ୟାନ ଅଫଦି ମ୍ୟାଚ ଭାବେ ସୁଦିପ ସାହୁ, ମ୍ୟାନ ଅଫ ଦି ସିରିଜ ଭାବେ ସନ୍ଦିପ ପ୍ରଧାନ, ବେଷ୍ଟ ବ୍ୟାଟସମ୍ୟାନ ଭାବେ ସାରୋ ଟିମର ସୁଶିଲ ଦାସଙ୍କୁ ପୁରସ୍କୃତ କରାଯାଇଥିଲା । କ୍ଷିରୋଦ ବିଶ୍ୱାଳ ଓ ମାୟାଧର ବିଶ୍ୱାଳ ଅମ୍ପେୟାର ଭାବେ ଖେଳ ପରିଚାଳନା କରିଥିବାବେଳେ ସ୍କୋରର ଭାବେ ଅଭିଷେକ ଜେନା ଓ ଅରୁଣ ଜେନା, ଭାଷ୍ୟକାର ଭାବେ ରାଜକିଶୋର ଦାସ ଦାୟିତ୍ୱ ନିର୍ବାହ କରିଥିଲା । ଟୁର୍ଣ୍ଣାମେଣ୍ଟକୁ ମହତାବ କ୍ଲବର ରମେଶ ଜେନା, ଗୟାଧର ବିଶ୍ୱାଳ, ଜିତେନ୍ଦ୍ର ଦାସ, ବାଦଲ ଜେନା, ପ୍ରକାଶ ଜେନା, ରାଜୀବ ବିଶ୍ୱାଳ, ପୂର୍ଣ୍ଣଚନ୍ଦ୍ର ଦାସ, ରଞ୍ଜନ ବିଶ୍ୱାଳ ପ୍ରମୁଖ ପରିଚାଳନା କରିଥିଲେ ।