ମହମାୟୀ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ବି.ବ୍ରହ୍ମପୁର ଟିମ ଚମ୍ପିୟାନ, ଖରିଡା ରନର୍ସ ଅପ

ବୁଗୁଡା (ଅନିଲ କୁମାର ମହାରଣା) : ତାଳସାକର ମହାମାୟୀ କ୍ରିକେଟ ଟୁର୍ଣ୍ଣାମେଣ୍ଟ ପକ୍ଷରୁ ଆୟୋଜିତ କ୍ରିକେଟ ମ୍ୟାଚ ରବିବାର ଦିନ ଉଦଯାପିତ ହୋଇଯାଇଛି। ଫାଇନାଲ ମ୍ୟାଚ ବି.ବ୍ରହ୍ମପୁର ଟିମ ଓ ଖରିଡା ଟିମ ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ବ.ବ୍ରହ୍ମପୁର ଟିମ ବିଜୟୀ ହୋଇ ଚମ୍ପିୟାନ ସିଲଡ଼ ପାଇଥିବା ବେଳେ ଖରିଡା ଟିମ ରନର୍ସ ଅପ ସିଲଡ଼ ପାଇଛନ୍ତି। ଅମ୍ପାୟାର ଭାବେ କାହ୍ନୁ ଓ ସନ୍ତୋଷ ଏବଂ ସ୍କୋରର ଭାବେ ଗୌରୀଶଙ୍କର ନାୟକ କାର୍ଯ୍ୟ ସମ୍ପାଦନ କରିଥିଲେ। ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ସଦସ୍ୟା ଭୁବନେଶ୍ଵରୀ ଖଟେଇ ଯୋଗଦେଇ ସିଲଡ଼ ପ୍ରଦାନ କରିଥିଲେ । କାର୍ଯ୍ୟକ୍ରମରେ ମୁଖ୍ୟ ବକ୍ତା ଭାବେ ପୁର୍ବତନ ଜିଲ୍ଲା ପରିଷଦ ସଦସ୍ୟ ଖଡାଳ ଖଟେଇ ଏବଂ ସମ୍ମାନୀତ ଅତିଥି ଭାବେ ଖେଳ ଶିକ୍ଷକ ବି.ଗୋପାଳ ଚନ୍ଦ୍ର ପାତ୍ର, ସମାଜସେବୀ ଗଙ୍ଗାପାଣି ଜେନା ଓ ବେଣୁଧର ଦାସ ଯୋଗ ଦେଇଥିଲେ। ଶାନ୍ତି ଶୃଙ୍ଖଳା ରକ୍ଷାରେ ସହଯୋଗ ପାଇଁ ତାଳସାକର ଟିମକୁ ସ୍ବର୍ଗତ ବି.ରାମଚନ୍ଦ୍ର ପାତ୍ର ସ୍ମାରକୀ ସିଲଡ଼ ପ୍ରଦାନ କରାଯାଇଥିଲା। ତାଳସାକର ଗ୍ରାମବାସୀ ବୃନ୍ଦ ପରିଚାଳନାରେ ସହଯୋଗ କରିଥିଲେ।