ମହାତ୍ମା ଗାନ୍ଧୀ ଥିଲେ ବିଶ୍ୱଶାନ୍ତି, ଅହିଂସା ଓ ମାନବବାଦର ପ୍ରତୀକ
ଭୁବନେଶ୍ୱର,(ଓ୍ବାଇଏନ୍ଏସ୍): ସ୍ଥାନୀୟ ଖାରବେଳନଗରଠାରେ ଥିବା ଜାତିର ପିତା ମହାତ୍ମା ଗାନ୍ଧୀଙ୍କ ତିରୋଧାନ ଦିବସ ତାଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଓ ସ୍ମୃତିଚାରଣ ସହ ଅନୁଷ୍ଠିତ ହୋଇଯାଇଛି । ଉକ୍ତ ଶ୍ରଦ୍ଧାଞ୍ଜଳି ସଭାରେ ଜାତିର ପିତା ସମଗ୍ର ବିଶ୍ୱ ପାଇଁ ଆଦର୍ଶ ଓ ସତ୍ୟ, ନ୍ୟାୟ, ଶାନ୍ତି, ଅହିଂସା ତଥା ମାନବବାଦର ପ୍ରତୀକ ବୋଲି ନାରାୟଣ ସେବା ଫାଉଣ୍ଡେସନ୍ର ସମ୍ପାଦିକା ସମିତା ମହାରଣା, ବ୍ରଜବନ୍ଧୁ ପରିଡ଼ା ମତବ୍ୟକ୍ତ କରିଥିଲେ । ପୂଜ୍ୟପୂଜା ସଂସ୍କୃତି ସୁରକ୍ଷା ଅଭିଯାନର ମୁଖପାତ୍ର ଓ ଯୁବ ସ୍ତମ୍ଭକାର ଅରବିନ୍ଦ ତ୍ରିପାଠୀ ସମ୍ମାନିତ ଅତିଥି ଭାବେ ଯୋଗଦାନ କରି ମତବ୍ୟକ୍ତ କରିଥିଲେ ଯେ, ମହାପୁରୁଷଙ୍କ ଆଦର୍ଶରେ ଅନୁପ୍ରାଣିତ ହୋଇ କାର୍ଯ୍ୟ କଲେ ତାହାହିଁ ହେବ ଶହିଦଙ୍କ ପାଇଁ ଶ୍ରେଷ୍ଠ ଶ୍ରଦ୍ଧାଞ୍ଜଳି । ସତ୍ୟବ୍ରତ ଜେନା, ମହିଳା ସଭାପତି ଇପ୍ସିତା ସାହୁ ପ୍ରମୁଖ ଯୋଗଦେଇଥିବା ବେଳେ କାର୍ଯ୍ୟକ୍ରମକୁ ପରିଚାଳନା କରିଥିଲେ ନାରାୟଣ ସେବା ଫାଉଣ୍ଡେସନ୍ର ପ୍ରତିଷ୍ଠାତା ସୀତାଂଶୁ ଶେଖର ମହାରଣା ।
