ମହାନାଳ ସଫେଇକୁ ତଦାରଖ କଲେ ସଦର ବିଧାୟକ

ବାଲେଶ୍ୱର, (ଯୁଗାବ୍ଦ ନ୍ୟୁଜ୍): ବାଲେଶ୍ୱର ସଦର ବିଧାୟକ ମଦନ ମୋହନ ଦତ୍ତ ସହରର ମହାନାଳ ସଫେଇ କାର୍ଯ୍ୟକୁ ନିଜେ ଉପସ୍ଥିତ ରହି ତଦାରଖ କରିଛନ୍ତି । ବର୍ଷା ଋତୁ ଆଗକୁ ଅସୁଥିବା ବେଳେ ମହାନାଳ ଗୁଡିକ ସଫା ହେବା ଆବଶ୍ୟକ ହୋଇଥିବା ବେଳେ ଏ ନେଇ ପୈାରପାଳିକା ନିର୍ବାହୀ ଯନ୍ତ୍ରୀଙ୍କୁ ଖୁବ୍ ଶୀଘ୍ର ପଦକ୍ଷେପ ନେବା ପାଇଁ ଶ୍ରୀ ଦତ୍ତ ଅନୁରୋଧ କରିଥିଲେ । ସମ୍ପୃକ୍ତ କାର୍ଯ୍ୟ ସୂଚାରୁ ରୂପେ ଚାଲୁ ଏଥିପାଇଁ ବିଧାୟକ ଶ୍ରୀ ଦତ୍ତ ନିଜେ ଏହି କାମକୁ ନୀରିକ୍ଷଣ କରିବା ସହ ମୈସୁମୀ ଆସିବା ପୂର୍ବରୁ ଉକ୍ତ କାର୍ଯ୍ୟକୁ ଶେଷ କରିବା ପାଇଁ ପୈରପାଳିକାର ନିର୍ବାହୀ ଯନ୍ତ୍ରୀକୁ ଅନୁରୋଧ କରିଥିଲେ । ପୂର୍ବରୁ ସହରର ରାସ୍ତା ଓ କଳଭଟ୍ ଗୁଡିକର ସ୍ଥିତିକୁ ନିଜେ ବୁଲି ସମୀକ୍ଷା କରିବା ସହ ଏହାର ଏକ ରିପୋର୍ଟ୍ ଜିଲ୍ଲାପାଳ ଓ ପୈାରପାଳିକାର କାର୍ଯ୍ୟନିର୍ବାହୀ ଯନ୍ତ୍ରୀଙ୍କୁ ପ୍ରଦାନ କରିଥିଲେ । ଆଗାମୀ ଦିନରେ ବର୍ଷାଦିନରେ ସହରରେ କୃତିମ ବର୍ଷା ନହେବା ପାଇଁ ମିଳିତ ଉଦମ୍ୟ ଆବଶ୍ୟକ ବୋଲି ଶ୍ରୀ ଦତ୍ତ ମତପ୍ରକାଶ କରିଥିଲେ । ସହରରେ ସମ୍ପୂର୍ଣ୍ଣ ୩୫ କି.ମି ମହାନାଳ ସଫେଇ କରାଯିବାର ବ୍ୟବସ୍ଥା ହୋଇଛି ବୋଲି ପୈାରପାଳିକାର କାର୍ଯ୍ୟନିର୍ବାହୀ ଯନ୍ତ୍ରୀ ପ୍ରଦିପ କୁମାର ନାୟକ ମତ ପ୍ରକାଶ କରିଥିଲେ । ଅନ୍ୟମାନଙ୍କ ମଧ୍ୟରେ ସୀତାକାନ୍ତ ସ୍ୱାଇଁ, ଚିତ୍ତରଞ୍ଜନ ପଣ୍ଡା, ସୁଜିତ ଦେବ, ଯୋଗେନ ରଣା, ରାଧାକାନ୍ତ ଦାସ, ଗଙ୍ଗାଧର ରାଉତ, ସର୍ବେଶ୍ୱର ପାତ୍ର, ପିଙ୍କି ପ୍ରଧାନ, ଶ୍ରୀୟା ଦାସ, ରଣଜିତ୍ ପୃଷ୍ଟି, ବିକାଶ ପାଢୀ, ବିବେକ ମହାନ୍ତି, ଅରୂପ ଜେନା, ସେକ୍ ଅଫଜଲ ଓ ଗୈାରାଙ୍ଗ ଦାସ ପ୍ରମୁଖ୍ୟ ଉପସ୍ଥିତ ଥିଲେ ।