ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପାଇଁ ବିଜୟ ଉତ୍ସବ

ବାଲେଶ୍ୱର, (ସରୋଜ ପଣ୍ଡା) :-ଆଜି ଅପରାହ୍ନ ୫ଟା ସମୟରେ ବିଜେପି ନଗର ମଣ୍ଡଳ ତରଫରୁ ସ୍ଥାନୀୟ ଗୁଡିପଦା ହନୁମାନ ମନ୍ଦିର ନିକଟରେ ଏକ ବିଜୟ ଉତ୍ସବ ପାଳିତ ହୋଇଯାଇଛି । ଉକ୍ତ କାର୍ଯ୍ୟକ୍ରମ ଭାରତର ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ସାଫଲ୍ୟତା ପାଇଁ ନଗର ସଭାପତି ଚିତ୍ତରଞ୍ଜନ ପଣ୍ଡାଙ୍କ ପୌରହିତ୍ୟରେ ଆୟୋଜିତ ହୋଇଥିଲା । କାର୍ଯ୍ୟକ୍ରମରେ ସ୍ଥାନୀୟ ଅଞ୍ଚଳର ଶତାଧିକ ଅନୁସୂଚିତ ଜନଜାତି ବର୍ଗର ଲୋକଙ୍କ ସହିତ ସମାଜର ଅନ୍ୟାନ୍ୟ ବର୍ଗର ଲୋକମାନେ ଭାଗନେଇ ସାଫଲ୍ୟମଣ୍ଡିତ କରିଥିଲେ । ପରସ୍ପର ମଧ୍ୟରେ ମିଷ୍ଟାନ୍ନ ବଣ୍ଟନ ଓ ମହାମହିମ ରାଷ୍ଟ୍ରପତିଙ୍କ ବିଷୟରେ ବକ୍ତାମାନେ ଆଲୋକପାତ କରିଥିଲେ। ଅନୁସୂଚିତ ଜନଜାତିର ପୁରୁଷ ମହିଳା ମାନେ ତାଙ୍କ ପାରମ୍ପରିକ ବାଦ୍ୟଯନ୍ତ୍ରରେ ନୃତ୍ୟ ସଙ୍ଗୀତ କରିଥିଲେ । ଜିଲ୍ଲା ସଭାପତି ଉମାକାନ୍ତ ମହାପାତ୍ର, ପୁର୍ବତନ ବିଧାୟକ ଜୀବନ ପ୍ରଦୀପ ଦାଶ, ପୁର୍ବତନ ଜିଲ୍ଲା ସଭାପତି ଲମ୍ବଦୋର ନାୟକ, ପୁର୍ବତନ ବିଧାୟକ ଗୋବିନ୍ଦ ଚନ୍ଦ୍ର ଦାସ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶୁଭଙ୍କର ମହାପାତ୍ର ଓ ସୋଭନା ମହାନ୍ତି, ଜିଲ୍ଲା ସାଧାରଣ ସମ୍ପାଦକ ପର୍ଶୁରାମ ପରିଡ଼ା, ନାରୀ ନେତ୍ରୀ ସୁଷମା ବିଶ୍ଵାଳ, ମମତା ମହାପାତ୍ର ଓ ସସ୍ମିତା ପଣ୍ଡା, ଜିଲ୍ଲା ସମ୍ପାଦକ ଆଶିଷ ଘୋଷ, ଜୋଗେନ୍ ରଣା, ଦୁକୁଲ ଘଡାଇ, ଆଦିବାସୀ ମୋର୍ଚ୍ଚାର ସଭାପତି ବିପିନ୍ ମାରାଣ୍ଡି, ଜିଲ୍ଲା ଉପସଭାପତି କମଳା ବିନ୍ଧାଣୀଓ କମଲଲୋଚନ ଦାସ, ମିଡ଼ିଆ ସହ ସଂଯୋଜକ ରଣଜିତ ପୃଷ୍ଠି ଓ ସୋଭକର ସାହୁ ପ୍ରମୁଖ ଅଂଶଗ୍ରହଣ କରିଥିଲେ I