ମହିମା ଆଶ୍ରମରେ ବାର୍ଷିକ ଉଚ୍ଛବ

ଭଞ୍ଜନଗର : ଗଂଜାମ ଜିଲ୍ଲା ଜଗନ୍ନାଥପ୍ରସାଦ ବ୍ଳକ ବୁରପଲ୍ଲୀ ମହିମା ଆଶ୍ରମରେ ପଞ୍ଚବାର୍ଷିକଉତ୍ସବ ଅନୁଷ୍ଠିତ ହୋଇଯାଇଛି । ଅଖଣ୍ଡ ବତୀ ଉତ୍ତୋଳନ ଓ ବ୍ରହ୍ମଧୂନୀ ସ୍ଥାପନ ସହିତ ଭିକ୍ଷାଗ୍ରହଣ ଓ ନାମ ଭଜନ ଆଦି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସାରା ରାତି ଭଜନ କୀର୍ତ୍ତନ ସହିତ ପ୍ରବଚନ କାର୍ଯ୍ୟକ୍ରମ ରହିଛି । ଅଂଚଳର ଗୁଣ୍ଡୁରିବାଡି, ଶରଣପଲ୍ଲୀ, ପନ୍ତିଖାରୀ, ପଥରାପଲ୍ଲୀ, ପ୍ରତାପୁର, କଲ୍ୟାଣପୁର ସମେତ ବିଭିନ୍ନ ଗ୍ରାମର ଶତାଧିକ ଶ୍ରଦ୍ଧାଳୁ ଙ୍କ ସମାଗମ ହୋଇଥିଲା । ବିଭିନ୍ନ ଅଂଚଳରୁ ଅନେକ ସାଧୁଭକ୍ତ ଙ୍କ ସମାଗମ ହୋଇଥିଲା । ଏକ ଆଧ୍ୟାତ୍ମିକ ପରିବେଶ ରେ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ମହିମା ସମାଜ ର ଅଧ୍ୟକ୍ଷ ବ୍ରହ୍ମ ଅବଧୂତ ନିରଂଜନ ବାବାଙ୍କ ପୈରହିତ୍ୟରେ ଆୟୋଜିତ କାର୍ଯ୍ୟକ୍ରମରେ ଅନେକ ସାଧୁପ୍ରେମୀ ମାନେ ସହଯୋଗ କରିଥିଲେ ।