ମହିଳାଙ୍କୁ ର୍ଦୁବ୍ୟବହାର, ଜାମିନିରେ ଆସିବାପରେ ମହିଳାଙ୍କୁ ଅଭିଯୁକ୍ତର ଧମକ   

ହାଟଡିହି, (ବିକାଶ ବିଶ୍ୱାଳ) :-ନନ୍ଦିପଦା ଥାନା ଅଧିନସ୍ଥ ଜାମିତିରା ଗ୍ରାମରେ ଜଣେ ମହିଳାଙ୍କୁ ର୍ଦୁବ୍ୟବହାର କରି ଗିରଫ ହୋଇ ଜାମିନରେ ଆସିବାପରେ ପୁନର୍ବାର ମହିଳାଙ୍କୁ ଧମକ ଚମକ ଦେଉଥିବା ଅଭିଯୋଗ ହୋଇଛି । ଅଭିଯୋଗରୁ ଜଣାଯାଇଛି ଯେ ଜାମିତିରା ଗ୍ରାମର ଜଣେ ମହିଳା ଏକ ସଂସ୍ଥାରେ ଟ୍ରେନିଂ ନେବାପାଇଁ ଆସି ନିଜ ବାପଘରେ ରହିଥିଲା । ସେହି ସମୟରେ ଗାଁର ତପନ ନାୟକ ନାମକ ଜଣେ ଯୁବକ ତାଙ୍କ ଘରେପସି ମହିଳାଙ୍କୁ ଅସୌଜନ୍ୟ ବ୍ୟବହାର କରିଥିଲା । ମହିଳା ଜଣକ ପାଟି କରିବାରୁ ଓ ପରିବାର ଲୋକେ ସେହି ସମୟରେ ଉଠିପଡିବାରୁ ତପନ ଦୌଡି ପଳାଇବା ସହିତ ମହିଳାଙ୍କ ମୋବାଇଲଟି ମଧ୍ୟ ନେଇ ଯାଇଥିଲା । ଏନେଇ ମହିଳା ଜଣକ ନିଜ ସ୍ୱାମୀଙ୍କୁ ଜଣାଇବାପରେ ସ୍ୱାମୀଙ୍କ ପରାମର୍ଶ କ୍ରମେ ନନ୍ଦିପଦା ଥାନାରେ ଅଭିଯୋଗ କରିଥିଲେ । ନନ୍ଦିପଦା ପୁଲିସ ୧୧୬/୨୦୨୨କ୍ଷହ ଏକ ମାମଲା ରୁଜୁକରି ଅଭିଯୁକ୍ତ ତପନକୁ ଗିରଫ କରିଥିଲା । ମାତ୍ର ଅଭିଯୁକ୍ତ ଜଣକ ଜାମିନରେ ଯିବାପରେ ମହିଳାଙ୍କୁ ଧମକ ଚମକ ଦେଉଥିବା ନେଇ ମହିଳା ଜଣକ ଅଭିଯୋଗ କରିଛନ୍ତି ।