ମହିଳା ମାନଂକୁ ନେଇ କେୱଡା ସମ୍ପର୍କିତ ତାଲିମ କାର୍ଯ୍ୟକ୍ରମ

ଛତ୍ରପୁର, (ଯୁଗାବ୍ଦ ନ୍ୟୁଜ):ଛତ୍ରପୁର ବ୍ଲକ୍ ଅନ୍ତର୍ଗତ ଶ୍ରୀରାଚନ୍ଦ୍ରପୁର ଗ୍ରାମ ପଞ୍ଚାୟତର ସଭାଗୃହ ଠାରେ ଓରମାସ ଏବଂ ଜିଲ୍ଲାପ୍ରଶାସନର ମିଳିତ ଆନୁକୂଲ୍ୟ ରେ ଜୟ ଜଗନ୍ନାଥ କେୱଡ଼ା ପ୍ରଡ୍ଡୁସର ଏଣ୍ଟରପ୍ରାଇଜେସ୍ ୨୫ ଜଣ ସଭ୍ୟାଙ୍କ ନିମନ୍ତେ ଏକ ଉନ୍ନତ ମାନର ତାଲିମ୍ କାର୍ଯ୍ୟକ୍ରମ କିଆ ପତ୍ର ଏବଂ ଚେରକୁ ନେଇ ଶୁଭ ଆରମ୍ଭ ହୋଇଛି, ଉକ୍ତ କାର୍ଯ୍ୟକ୍ରମରେ ଛତ୍ରପୁର ବିଡ଼ିଓ ସୁଶାନ୍ତ କୁମାର ବରାଳ ମୁଖ୍ୟ ଅତିଥି ଭାବେ ଯୋଗଦେଇ ମହିଳାମାନଙ୍କୁ ଉତ୍ସାହିତ କରିଥିଲେ l ଅନ୍ୟ ଅତିଥି ମାନଙ୍କ ମଧ୍ୟରେ ଓରମାସ ଜିଲ୍ଲା ଉପ କାର୍ଯ୍ୟନିର୍ବାହି ଅଧିକାରୀ ସତ୍ୟ ସୁନ୍ଦର ଶିବରାମ ପାଇଟ୍ଟାଲ, ଓଡିଶା ଜୀବିକା ମିଶନ ଜିଲ୍ଲା ପ୍ରକଳ୍ପ ସଂଯୋଜକ ନବୀନ ଚନ୍ଦ୍ର ସେନାପତି,ଶ୍ରୀରାମ ଚନ୍ଦ୍ରପୁର ସରପଞ୍ଚ ଏସ ସଂଜୀବ ରେଡ୍ଡୀ, ସମିତି ସଭ୍ୟ ଏସ. ଚକ୍ରପାଣି ରେଡ୍ଡୀ, ଓଡିଶା ଜୀବିକା ମିଶନର ବ୍ଲକ ପ୍ରକଳ୍ପ ସଂଯୋଜିକା ମାନିନୀ ଜେନା ଯୋଗଦେଇ କିଆ ଫୁଲ,ପତ୍ର, ଏବଂ ଚେରରେ ପ୍ରସ୍ତୁତି ବିଭିନ୍ନ ହାତ ତିଆରି ଜିନିଷ ତିଆରିକରିବା ସହ ବିକ୍ରୟ କରି ମହିଳାମାନେ କିପରି ସ୍ୱାବଲମ୍ବୀ ହୋଇପାରିବେ ବୋଲି ପରାମର୍ଶ ଦେଇଥିଲେ l ଉକ୍ତ କାର୍ଯ୍ୟକ୍ରମରେ ପଞ୍ଚାୟତର ଏମ୍ବିକେ, ସିଆରପି, କମୁନିଟୀ କେଡ଼ର ସହ ଓରମାସ ର ଜିଲ୍ଲାସ୍ତରୀୟ କର୍ମଚାରୀ ମାନେ ଉପସ୍ଥିତ ଥିଲେ I