ମହୁମାଛି ଆକ୍ରମଣରେ ଦୁଇ ଜଣଙ୍କର ମୃତ୍ୟୁ, ୩ ଜଣ ଆହତ

କାମାକ୍ଷାନଗର, (ତାପସଦାସ):ମହୁମାଛି ଆକ୍ରମଣରେ ଦୁଇ ଜଣଙ୍କ ମୃତ୍ୟୁ । ଅନ୍ୟ ୩ ଜଣ ଆହାତ ହୋଇଛନ୍ତି । ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା କାଦୁଆ ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା ।ସୂଚନାଯୋଗ୍ୟ ଯେ, ରବିବାର ପଞ୍ଚାୟତ କାର୍ଯ୍ୟାଳୟ ଠାରେ ମହୁମାଛି ଆକ୍ରମଣ କରିଥିଲେ । ଆକ୍ରମଣ ଫଳରେ କାମାକ୍ଷାନଗର ଥାନା କାଦୁଆ ଗ୍ରାମର ଝୁମର ସେଠୀ ଓ ମାୟାଧର ଦେହୁରୀ ଗୁରୁତର ହୋଇଥିଲେ ।ଚିକିତ୍ସାଧିନ ଅବସ୍ଥାରେ ଦୁଇ ଜଣଙ୍କର ସୋମବାର ମୃତ୍ୟୁ ହୋଇଛି । ମହୁମାଛି ଆକ୍ରମଣର ଶିକାର ହୋଇ ଅନ୍ୟ ୩ ଜଣ ଆହତ ହୋଇଛନ୍ତି । ମୃତକ ହେଲେ କାମାକ୍ଷାନଗର ଥାନା କାଦୁଆ ଗ୍ରାମର ଝୁମର ସେଠୀ ଓ ମାୟାଧର ଦେହୁରୀ । ମହୁମାଛି ଆକ୍ରମଣ ପରେ ଉଭୟଙ୍କୁ ଚିକିତ୍ସାଧିନ ଭର୍ତ୍ତି କରାଯାଇଥିଲା । ଆଜି ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି ।