ମହୁରୀ କାଳୁଆ ପୀଠରେ ବୃକ୍ଷରୋପଣ କାର୍ଯ୍ୟକ୍ରମ

ବ୍ରହ୍ମପୁର,(ରାଜେଶ କୁମାର ପଟ୍ଟନାୟକ):କୁକୁଡାଖଣ୍ଡି ବ୍ଲକ୍ ଅନ୍ତର୍ଗତ ପ୍ରସିଦ୍ଧ ଶକ୍ତିପୀଠ ମା ମହୁରୀ କାଳୁଆଙ୍କ ପୀଠ ପରିସରରେ ବ୍ରହ୍ମପୁର ସବୁଜ ବାହିନୀ ତରଫରୁ ବୃକ୍ଷ ସୁରକ୍ଷା ଅଭିଯାନ ‘ମୁଁ ବି ବଞ୍ଚିବାକୁ ଚାହେଁ’ ଓ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ସଂସ୍ଥା ପକ୍ଷରୁ ପୀଜୁଳି,ବାହାଡା,ଶାହାଡା,ନର କୋଳି,ବେଲ,ଗୁଆ ବିଭିନ୍ନ କିସମର ଚାରା ରୋପଣ କରାଯାଇଥିଲା ।ତତ୍ ସହିତ ମନ୍ଦିର ଚର୍ତୁପାଶ୍ବରେ ଥିବା ବୃକ୍ଷ ଗୁଡିକରୁ ବ୍ୟାନର,ପୋଷ୍ଟର,ଲୁହା ତାର,ଲୁହା କଣ୍ଟା ବାହାର କରାଯାଇଥିଲା ।ବୃକ୍ଷର ମଧ୍ୟ ଜୀବନ ଅଛି ଏଭଳି କଣ୍ଟା,ଲୁହା ତାର ମାରିବା ଦ୍ବାରା ତାର ଆୟୁଷ କ୍ଷୟ ହେଉଛି ।ଏହି କାର୍ଯ୍ୟକ୍ରମରେ ସଭାପତି ଶିବରାମ ପାଣିଗ୍ରାହୀ,ଆଞ୍ଚଳିକ ବିକାଶ ପରିଷଦର ସଭାପତି ସାଗର ପାତ୍ର,ସଂପାଦକ ବିଜେନ୍ଦ୍ର ମାଝୀ,ଦିପକ ପାତ୍ର,ବନମାଳୀ ପ୍ରଧାନ,ସନିଆ ଗୈ।ଡ,ଏମ୍ ପ୍ରକାଶ ,ଶିବରାମ ବେହେରା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ ।