ମହୋତ୍ସବର ତୃତୀୟ ସଂନ୍ଧ୍ୟାରେ ମୁଖ୍ୟ ଆକର୍ଷଣ ପାଲଟିଥିଲେ ପଲକ

ଗୋପାଳପୁର , (ଦିପ୍ତୀ) : ଗୋପାଳପୁର ବେଳାଭୁମି ମହୋତ୍ସବର ତୃତୀୟ ସଂନ୍ଧ୍ୟାର ଦର୍ଶକଙ୍କ ମୁଖ୍ୟ ଆକର୍ଷଣ ପାଲଟିଥିଲେ ବଲିଉଡର ପ୍ଲେ ବ୍ୟାକ ସିଙ୍ଗର ପଲକ ମୁଚ୍ଛଲ । ସେଷ୍ଟେଜରେ ଚଢିବା କ୍ଷଣି ଦର୍ଶକଙ୍କ ମଧ୍ୟରେ ଦେଖାଦେଇଥିଲେ ଆକର୍ଷଣ । ପଲକଙ୍କୁ ନିଜ ପାଖରେ ପାଇ ଆତ୍ମ ବିଭୋର ହୋଇଉଠିଥିଲେ ଦର୍ଶକ । ପଲକ ନିଜର ଏକ ନିଆରା ଅନ୍ଦାଜରେ ଆସିକି-୨ରୁ ଆରମ୍ଭ କରି ଏମ.ଏସ ଧୋନୀ ଚଳଚ୍ଚିତ୍ରର ଲୋକପ୍ରିୟ ଗୀତ କୌନ ତୁଝେ ୟୁଁ ପ୍ୟାର କରେଗା ଭଳି ଅନେକ ଲୋକପ୍ରିୟ ସଙ୍ଗୀତ ପରିବେଷଣ କରି ଉପସ୍ଥିତ ଦର୍ଶକଙ୍କ ମନ ମୋହିଥିଲେ । ଖାଲି ଯେ ପଲକ ଗୀତ ପରିବେଷଣ କରି ଅନେକ ଚର୍ଚ୍ଚା ସାଉଣ୍ଡଛନ୍ତି ତା ନୁହେଁ , ସେ ନିଜର ଚାରିଟେବୁଲ ଟ୍ରଷ୍ଟ ଦ୍ୱାରା ପାଖାପାଖି ୧ହଜାର ପିଲାଙ୍କ ହାର୍ଟ ଅପରେସନ କରିସାରିଲେଣି । ଯେଉଁ କୋମଳମତି ଶିଶୁମାନଙ୍କର ହାର୍ଟରେ ହୋଲ ସେମାନଙ୍କ ପାଇଁ ସ୍ୱ ଆୟୋଜନ କରି ସେଥିରୁ ମିଳୁଥିବା ଅର୍ଥରେ ସେମାନଙ୍କର ଅସ୍ତ୍ରୋପଚାର କରି ତାଙ୍କୁ ନୂଆ ଜୀବନ ଦେଇଥାନ୍ତି । ସେଥିପାଇଁ ଭାରତର ଫିଲ୍ମ ଇଣ୍ଡଷ୍ଟ୍ରିରେ ସ୍ୱତନ୍ତ୍ର ସ୍ଥାନ ଅଧିକାର କରିଛନ୍ତି । ଏହା ସହ ନିଜର ଏକ ସ୍ୱତନ୍ତ୍ର ସେବା ପାଇଁ ବଲିଉଡର ସୁପରିହିଟ ନାୟକ ତାଙ୍କୁ ଅନେକ ସୋ ରେ ପ୍ରଶଂସା କରିଛନ୍ତି । ଏହା ପରେ ପଲକଙ୍କ ଭାଇ ପଲ୍ଲାସ ମୁଛଲ ମଧ୍ୟ ଷ୍ଟେଜପରଫମାନସ କରି ଦର୍ଶକଙ୍କ ମନ ମୋହିଥିଲେ । ପଲକଙ୍କ ସହ ଓଲିଉଡର ଲୋକପ୍ରିୟ ଗାୟକ ହ୍ୟୁମାନ ସାଗରଙ୍କ ଗୀତରେ ଝୁମିଥିଲେ ଦର୍ଶକ । ଏହା ସହ ରିଆଲିଟି ସୋ ଡ୍ୟାନ୍ସ ପ୍ଲସର ବନଜାରା ଡ୍ୟାନ୍ସ ଗୃପୁର ବେଲି ଡ୍ୟାନ୍ସ ସମସ୍ତଙ୍କ ମୁଖ୍ୟ ଆକର୍ଷଣ କରିଥିଲେ । ଉକ୍ତ ମହୋତ୍ସବରେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଅଧ୍ୟକ୍ଷତା କରିଥିବାବେଳେ ମହୋତ୍ସବରେ ମୁଖ୍ୟ ଅତିଥୀଭାବେ ଦକ୍ଷିଣାଞ୍ଚଳ ଡିଆରଡିଓ ଟି.ପାଓ ଯୋଗଦେଇଥିବାବେଳେ ସମ୍ମାନୀତ ଅତିଥୀ ଭାବେ ରାଜ୍ୟସଭା ସାଂସଦ ସସ୍ମିତ ପାତ୍ର , ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ , ଗଞ୍ଜାମ ଏସିପି ବ୍ରିଜେସ ରୟ , ଦକ୍ଷିଣାଞ୍ଚଳ ଡିଆଇଜି ସତ୍ୟବ୍ରତ ଭୋଇ , ବ୍ରହ୍ମପୁର ଏସିପି ପିନାକ ମିଶ୍ର , ଛତ୍ରପୁର ବିଧାୟକ ସୁବାସ ବେହରା , ବ୍ରହ୍ମପୁର ବିଧାୟକ ବିକ୍ରମ ପଣ୍ଡା ପ୍ରମୁଖ ଯୋଗଦେଇଥିଲେ ।