ମାଣିକେଶ୍ବର ବିଦ୍ୟାଳୟରେ ଶିକ୍ଷଣ ସାମଗ୍ରୀ ମେଳା ଅନୁଷ୍ଠିତ

କୋଦଳା , ( ଗୁଲସନ କୁମାର କର): କୋଦଳା ନିକଟସ୍ଥ ଫାସି ଠାରେ ଶ୍ରୀ ମାଣିକେଶ୍ବର ବିଦ୍ୟାପୀଠ ପରିସରରେ ଶିକ୍ଷଣ ସାମଗ୍ରୀ ମେଳା ଅନୁଷ୍ଠିତ ହୋଇଯାଇଛି ।କାଣ୍ଡସର କ୍ଲଷ୍ଟରର ସାଧନା ସଂଯୋଜକ ଶ୍ରୀ ନାରାୟଣ ସେଠୀଙ୍କ ତତ୍ୱାବଧାନରେ ଏହି ମେଳା ଅନୁଷ୍ଠିତ ହୋଇଥିବା ବେଳେ ଏଥିରେ ୭୧୦ଟି ଶିକ୍ଷଣ ସାମଗ୍ରୀ ପ୍ରଦର୍ଶନ କରାଯାଇଥିଲା । ଏଥିରେ ୧୧ଟି ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟର ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ଅଂଶ ଗ୍ରହଣ କରିଥିଲେ। ମାଣିକେଶ୍ବର ବିଦ୍ୟପୀଠ, ବିଶ୍ୱନାଥ ସଂସ୍କୃତ ବିଦ୍ୟାଳୟ, ଉଚ୍ଚ ପ୍ରାଥମିକ ବିଦ୍ୟାଳୟ (ବିଲିପଡ଼ା), କାଣ୍ଡସର ପ୍ରାଥମିକ ବିଦ୍ୟାଳୟ, ଯମେଶ୍ୱର ବାଳିକା ଉଚ୍ଚ ବିଦ୍ୟାଳୟ ଓ ମେଦିନିପୁର ପ୍ରାଥମିକ ବିଦ୍ୟାଳୟ ର ଶିକ୍ଷକ, ଶିକ୍ଷୟିତ୍ରୀମାନେ ଶିକ୍ଷଣ ସାମଗ୍ରୀ ପ୍ରଦଶନ କରିଥିଲେ ।ଏତବ୍ୟତୀତ ଶିକ୍ଷାଦାନ ସମୟରେ ଶିକ୍ଷଣ ସାମଗ୍ରୀର ସଠିକ ବ୍ୟବହାର ମଧ୍ୟ ଛାତ୍ରୀଛାତ୍ରଙ୍କ ମନଯୋଗକୁ ଦୃଢିଭୁତ କରିବାରେ ଶିକ୍ଷଣ ସାମଗ୍ରୀ ଯଥେଷ୍ଟ ସହାୟକ ହୋଇଥାଏ ।ଏହି ମେଳାରେ ବିଦ୍ୟାଳୟର ଶିକ୍ଷକ, ଶିକ୍ଷୟିତ୍ରୀ ପ୍ରମୁଖ ଉପସ୍ଥିତ ରହି କାର୍ୟ୍ୟକ୍ରମରେ ସହଯୋଗ କରିଥିଲେ ।