ମାନସ ରଂଜନ ମଙ୍ଗରାଜଙ୍କ ଗସ୍ତକୁ ନେଇ ପ୍ରସ୍ତୁତି ବୈଠକ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଆସନ୍ତା ୨୧ ତାରିଖରେ ମାନ୍ୟବର ରାଜ୍ୟସଭା ସାଂସଦ ତଥା ବ୍ରହ୍ମପୁର ସଂସଦୀୟ କ୍ଷେତ୍ରର ପର୍ଯ୍ୟବେକ୍ଷକ ମାନସ ରଂଜନ ମଙ୍ଗରାଜଙ୍କ ଗଜପତି ଗସ୍ତ କାର୍ଯ୍ୟକ୍ରମ ରହିଛି । ଏହାକୁ ଦୃଷ୍ଟିରେ ରଖି ଆଜି ଗଜପତି ଜିଲ୍ଲା ବିଜେଡି ପକ୍ଷରୁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିବାର ଜଣାପଡିଛି । ସ୍ଥାନୀୟ ପୂର୍ତ୍ତ ବିଭାଗର ଡାକବଙ୍ଗଳା ଠାରେ ଜିଲ୍ଲା ବିଜେଡି ସଭାପତି ଜଗବନ୍ଧୁ ଦାସଙ୍କ ସଭାପତିତ୍ୱରେ ଜିଲ୍ଲାସ୍ତରୀୟ ବିଜେଡି ନେତୃବୃନ୍ଦଙ୍କ ଉପସ୍ଥିତିରେ ଏହି ପ୍ରସ୍ତୁତି ବୈଠକ ହୋଇଯାଇଛି । ଶ୍ରୀ ମଙ୍ଗରାଜଙ୍କ ଗସ୍ତ ସମୟରେ ବିଭିନ୍ନ କାର୍ଯ୍ୟକ୍ରମ ହେବ । ତେଣୁ କିପିରି ସମସ୍ତ ପ୍ରସ୍ତୁତି ଆୟୋଜନ କରାଯିବା ସହ ସ୍ୱାଗତ ସମ୍ବର୍ଦ୍ଧନା ଠାରୁ ଆରମ୍ଭ କରି ଶୃଙ୍ଖଳିତ ପରିଚାଳନା ନିମନ୍ତେ ଗୁରୁତ୍ୱାରୋପ କରାଯାଇଥିବାର ଜଣାପଡିଛି । ଏହା ସହ ସାଂଗଠନିକ ସମ୍ପର୍କରେ ମଧ୍ୟ ଆଲୋଚନା ହୋଇଥିବାର ମଧ୍ୟ ଜଣାପଡିଛି । ଏହି ପ୍ରସ୍ୁତି ବୈଠକରେ ଅନ୍ୟମାନଙ୍କ ମଧ୍ୟରେ ଜିଲ୍ଲାପରିଷଦ ସଭାପତି ଜି.ତିରୁପତି ରାଓ, ଏସ୍ଡିସି ଅଧ୍ୟକ୍ଷା ମରିୟମ ରଇତ, ଜିଲ୍ଲା ବିଜେଡି ଯୁବ ସଭାପତି ଏସ୍. ଲିଙ୍ଗରାଜୁ, ବରିଷ୍ଠ ନେତା ଲକ୍ଷୀ୍ମକାନ୍ତ ପରିଚ୍ଛା, ଭାରତଭୂଷଣ ମହାନ୍ତି, ଅନ୍ତର୍ଯ୍ୟାମୀ ଗମାଙ୍ଗ, ଜମିଦାର ପଟ୍ଟନାୟକ ପ୍ରମୁଖଙ୍କ ସମେତ ସମସ୍ତ ବ୍ଲକର ବିଜେଡି ସଭାପତି, ସମସ୍ତ ବ୍ଲକ ଅଧ୍ୟକ୍ଷ/ଅଧ୍ୟକ୍ଷା, ସମସ୍ତ ବ୍ଲକସ୍ତରୀୟ ଯୁବ ସଭାପତି ଏବଂ ବହୁ ବିଜେଡି କର୍ମୀ ଓ ନେତାମାନେ ଉପସ୍ଥିତ ଥିଲେ ।
