‘ମାଳିସାହିର ମଲ୍ଲିକା’ : ପ୍ରକାଶ ରଥ

ଭୁବନେଶ୍ୱର, (ଓ୍ବାଇଏନ୍ଏସ୍) :-ଦେହ ବିକିବାକୁ କାହାକୁ ବା ଭଲ ଲାଗେ । ବେଶ୍ୟା ହେବାକୁ କିଏ ବା ପସନ୍ଦ କରେ । ନିଜର ପେଟ ଚାଖଣ୍ଡକ ପାଇଁ ତଥା ଗରିବୀ ପାଇଁ ଯୁବତୀଟିଏ ବାଧ୍ୟ ହୋଇ ଚାଲିଆସେ ଦେହ ବେପାର କରିବାକୁ । ନିଜ ଆବଶ୍ୟକତା ତଥା ନିଜ ପରିବାରର ପ୍ରତିପୋଷଣ ପାଇଁ ଗାଁର କିଶୋରୀଟିଏ ବାଧ୍ୟ ହୋଇଥାଏ ଦେହ ବିକି ବେଶ୍ୟା ହେବାକୁ । ଏହିଭଳି ଏକ ବାସ୍ତବ ଘଟଣା । ପଶ୍ଚିମ ଓଡ଼ିଶାର ନିପଟ ମଫସଲର କିଶୋରୀ ଝିଅ ମଲ୍ଲିକା । ବୟସ ୧୫ ଛୁଁ ଛୁଁ ଦେହରେ ଆସିଯାଇଥାଏ ଯୌବନର ପ୍ରଥମ ଝଲକ । ଶରୀରର ବିଭିନ୍ନ ସମ୍ବେଦନଶୀଳ ଅଙ୍ଗ ପ୍ରତ୍ୟେଙ୍ଗ ବଦଳିବାରେ ଲାଗିଥାଏ । ନୂଆ ନୂଆ ବସନ୍ତର ବାସ୍ନାରେ କିଶୋରୀଟି ପରିବାର ଭିତରେ ସୁରକ୍ଷିତ ଥାଏ । ହେଲେ ଦୁଷ୍ଟ ଭ୍ରମର ଫୁଲକଢିକୁ ଶୋଷିନେଲା ଭଳି ଗାଁର ଯୁବକମାନେ ଆଖି ପକେଇ ସାରିଥାନ୍ତି ଏହି କିଶୋରୀଟି ଉପରେ । ଗାଧୁଆ ତୁଠ, ବାରିପଟରେ ମଲ୍ଲିକାକୁ ଘେରୁଥାନ୍ତି ଏହି ଭ୍ରମରମାନେ । ମଲ୍ଲିକା ବି ଏଭଳି ନୂତନ ବାତାବରଣକୁ ନେଇ ଉଲ୍ଲାସିତ ହୋଇ ଉଠୁଥାଏ । ଯଦିଓ ସେ ଜାଣିନଥାଏ ଯୌବନର ଖେଳ ବିଷୟରେ । ସମୟକ୍ରମେ ନିଜ କୁଟୁମ୍ବର ଜନୈକ ଦାଦାପୁଅ ହାତରେ ଧରା ଦେଇଦିଏ ମଲ୍ଲିକା । ମଲ୍ଲିକାର ସମ୍ବେଦନଶୀଳ ଅଙ୍ଗରେ ସ୍ପର୍ଶ କରିବା ସହ ନିଜର ଯୌନ ଆକାଂକ୍ଷାକୁ ପୂରଣ କରିଥାଏ ଏହି ଦାଦାପୁଅ ଜଣକ । ମଲ୍ଲିକା ବି ଯୌବନର ପ୍ରଥମ ପାହାଚରେ ଅଜାଣତରେ ସେକ୍ସର ମଜା ନେଉଥାଏ । ସମୟକ୍ରମେ ଗଡ଼ିଚାଲେ । ମଲ୍ଲିକା ଓ ତାର ଯୁବସାଥୀ ସର୍ଦସର୍ବଦା ଏହି ଯୌବନର ଆଦିମ ଖେଳରେ ମାତି ଯାଇଥାନ୍ତି । ନିଜ ଯୌନ ଇଚ୍ଛା ପୂରଣ ହେବା ପରେ ଯୁବସାଥୀଟି ନିଜ ସାଙ୍ଗସାଥୀଙ୍କୁ ମଲ୍ଲିକା ବିଷୟରେ ଜଣାଇଦିଏ । ସାଙ୍ଗସାଥୀମାନେ ବି ଚାହାଁନ୍ତି ମଲ୍ଲିକାର ଫୁଙ୍ଗୁଳା ଶରୀରକୁ ତିଳେ ତିଳେ ଦଂଶନ କରିବାକୁ । ସୁଯୋଗ ବି ଜୁଟିଯାଏ । ଚଇତି ଯାତ ବେଳେ ମଲ୍ଲିକାକୁ ଯାତ୍ରା ପଡ଼ିଆରୁ ଉଠାଇ ନିଅନ୍ତି ଏହି ଯୌନପାଗଳ ଯୁବକମାନେ । ପାଖ ପଡ଼ିଆରେ ସମ୍ପୂର୍ଣ୍ଣ ଉଲଗ୍ନ କରି ଜଣକ ପରେ ଜଣେ ମଲ୍ଲିକାକୁ ଧର୍ଷଣ କରିଚାଲନ୍ତି । ଏପରିକି ତାର ବକ୍ଷୋଜକୁ କାମୁଡ଼ି ବିଦାରି ଦିଅନ୍ତି । ଅତି କଷ୍ଟରେ ମଲ୍ଲିକା ବିଳମ୍ବିତ ରାତ୍ରିରେ ଘରକୁ ଫେରିଥାଏ । ମଦୁଆ ବାପା ଶୋଇ ପଡ଼ିଥିବା ବେଳେ ମାଆ କିଛି ବୁଝିପାରି ନଥାଏ । ପରେ ମଲ୍ଲିକାର ଗରିବ ପରିବାର ମଲ୍ଲିକାର ପେଟ ଭୁଲିବା ଦେଖି ସବୁକିଛି ବୁଝିପାରନ୍ତି ଏବଂ ଗାଁ ନିଷ୍ପତ୍ତି ହିସାବରେ ମଲ୍ଲିକାକୁ ଗ୍ରାମରୁ ବିତାଡ଼ିତ କରି ଦିଆଯାଏ । କିଛି ଭୁଲ୍ ନକରି ଦଣ୍ଡ ପାଇଥିବା ମଲ୍ଲିକା ଶେଷରେ ଚାଲିଆସେ ରାଜଧାନୀକୁ । ପ୍ରଥମେ ମାଗିଯାଚି ନିଜ ପେଟ ପୋଷୁଥିବା ବେଳେ ମଲ୍ଲିକାର ଗର୍ଭବସ୍ଥାରେ ମଧ୍ୟ କାମୁକମାନେ ତାକୁ ଛାଡ଼ିନଥାନ୍ତି । ଗାଡ଼ି ଡ୍ରାଇଭର ଓ ରିକ୍ସାବାଲାମାନେ ତାକୁ ଅବିଚାରିତ ଭାବେ ଧର୍ଷଣ କରିଥାନ୍ତି । ଶେଷରେ ସେ ବାଛିନିଏ ବେଶ୍ୟାବୃତ୍ତିକୁ ଏବଂ ପ୍ରତି ରାତି ସଜେଇ ହୁଏ ନୂଆ ଗରାଖ ପାଇଁ । ନିଜ ସନ୍ତାନ ଏବେ ବଡ଼ ହୋଇଯାଇଥିଲେ ମଧ୍ୟ ଧନ୍ଦାକୁ ଛାଡ଼ିପାରି ନାହିଁ ମଲ୍ଲିକା । ଏହିଭଳି କେତେ ଯେ ନିରୀହା କିଶୋରୀ ଏଭଳି ବୃତ୍ତିକୁ ଆପଣେଇ ନେଇଛନ୍ତି ତାହା ହିିସାବରେ ଗଣିହେବ ନାହିଁ ।
ମୋ : ୯୪୩୭୨୮୫୦୯୨