ମିହିର ପାଣିଗ୍ରାହୀ ବୁଗୁଡା ବାର ଆସୋସିଏସନ ସଭାପତି

ବୁଗୁଡ଼ା, (ଅନିଲ କୁମାର ମହାରଣା) :ବୁଗୁଡା ବାର୍ ଆସୋସିଏସନର ସଭାପତି ଭାବେ ଆଡଭୋକେଟ ମିହିର କାନ୍ତ ପାଣିଗ୍ରାହୀ ନିର୍ବାଚିତ ହୋଇଥିବା ଜଣାପଡିଛି । ଗଞ୍ଜାମ ଜିଲ୍ଲା, ବୁଗୁଡା ବାର ଆସୋସିଏସନ ନିର୍ବାଚନ ବୁଗୁଡା କୋର୍ଟ ପରିସରରେ ବାର ଅସୋସିଏସନ ହଲରେ ନିର୍ବାଚନ ଅଧିକାରି ସତ୍ଯନାରାୟଣ ମିଶ୍ର ଙ୍କ ତତ୍ୱାବଧାନରେ ଅନୁଷ୍ଟିତ ହୋଇଯାଇଛି । ବାର ଆସୋସିଏସନର ଅନ୍ୟ ସମସ୍ତ ପଦବୀ ଅପ୍ରତିଦ୍ୱନ୍ଦି ରହିଥିବା ବେଳେ ସଭାପତି ପଦବୀ ପାଇଁ ଦୁଇଜଣ ବନବାସୀ ମହାରଣା ଓ ମିହିର କାନ୍ତ ପାଣିଗ୍ରାହି ଙ୍କ ମଧ୍ଯରେ ପ୍ରତିଦ୍ୱନ୍ଦିତା ହୋଇଥିଲା । ନିର୍ବାଚନରେ ୫୩ ଜଣ ଆଇନଜୀବୀଙ୍କ ମଧ୍ୟରୁ ୫୧ ଜଣ ନିର୍ବାଚନରେ ଅଂଶ ଗ୍ରହଣ କରିଥିଲେ । ନିର୍ବାଚନରେ ମିହିର କାନ୍ତ ପାଣିଗ୍ରାହୀ ବୁଗୁଡା ବାର ଆସୋସିଏସନର ସଭାପତି ଭାବେ ନିର୍ବାଚିତ ହୋଇଥିଲେ। ଆଇନଜୀବୀ ଶ୍ରୀ ପାଣିଗ୍ରାହୀ ବାର ଆସୋସିଏସନର ସଭାପତି ଭାବେ ବିଜୟୀ ହେବାପରେ ସମସ୍ତ ଆଇନଜୀବୀ ଙ୍କୁ ଧନ୍ୟବାଦ ଅର୍ପଣ କରିଥିଲେ ।