ମୁଖୁରା ଗ୍ରାମପଞ୍ଚାୟତର ବଡ଼ୁଆ ଗ୍ରାମରେ ବିଭିନ୍ନ ଲୋକାଭିମୁଖୀ ପ୍ରକଳ୍ପର ଶୁଭ ଶିଳାନ୍ୟାସ
ବାଲେଶ୍ୱର, (ସରୋଜ ପଣ୍ଡା):ରବିବାର ସକାଳ ୧୧ ଘଟିକା ସମୟରେ ରେମୁଣା ନିର୍ବାଚନ ମଣ୍ଡଳୀ ଅଧିନସ୍ଥ ମୁଖୁରା ଗ୍ରାମପଞ୍ଚାୟତର ବଡୁଆ ଗ୍ରାମରେ ବିଭିନ୍ନ ଲୋକାଭିମୁଖୀ ପ୍ରକଳ୍ପର ଶୁଭ ଶିଳାନ୍ୟାସ ହୋଇଥିଲା। କେନ୍ଦ୍ର ସରକାରଙ୍କ ଆଦର୍ଶ ଗ୍ରାମ ଯୋଜନାର ମାନ୍ୟତା ପାଇବା ପରେ ଗ୍ରାମରେ ଆଜି ମାନ୍ୟବର ସରକାରୀ ଉପମୁଖ୍ୟ ସଚେତକ ତଥା ବିଧାୟକ ରେମୁଣା ଗୋବିନ୍ଦ ଚନ୍ଦ୍ର ଦାସଙ୍କ କରକମଳରେ ବିଭିନ୍ନ ପ୍ରକଳ୍ପର ଶୁଭ ଶିଳାନ୍ୟାସ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ମଣ୍ଡଳ ସଭାପତି ମଳୟ କୁମାର ବିଶ୍ବାଳ,କୃଷ୍ଣ ଚନ୍ଦ୍ର ସାହା, ବିଧାୟକ ପ୍ରତିନିଧି କାର୍ତ୍ତିକ ଚନ୍ଦ୍ର ଗିରି, ସାଂସଦ ପ୍ରତିନିଧି ଉମାକାନ୍ତ ପଣ୍ଡା, ଚନ୍ଦ୍ରବିନ୍ଦୁ ଦାସ, ଜିଲ୍ଲା ଯୁବମୋର୍ଚ୍ଚା ଉପସଭାପତି ନାରାୟଣ ମହନ୍ତ, ୱାର୍ଡ ମେମ୍ବର ମାଳତୀ ମଲ୍ଲିକ, ଅଶୋକ ସିଂ, ରଘୁନାଥ ପରିଡ଼ା, ରତିକାନ୍ତ ମଳିକ ସହ ଗ୍ରାମବାସୀ ପ୍ରମୁଖ ଉପସ୍ଥିତ ଥିଲେ।
