“ମୁଭ ଦି ୱାର୍ଲଡ” ନୂତନ କାର୍ଯ୍ୟାଳୟ ଉଦଘାଟିତ “ତୁ ମୋ କମଜୋରୀ” ସିନେମା ସଂଗୀତ ର ତାଳେ ତାଳେ ଦର୍ଶକ ଝୁମିଲେ

ଭଞ୍ଜନଗର,(ସନ୍ତୋଷ କୁମାର ଜେନା): ଗଞ୍ଜାମ ଜିଲ୍ଲାର ଭଞ୍ଜନଗର ସହର ବାଇପାସ ରୋଡ଼ ସ୍ଥିତ “ଗୋ ମାର୍ଟ ” ସପିଙ୍ଗ ମଲ ପରିସରରେ “ମୁଭ ଦି ୱାର୍ଲଡ ” ର ନୂଆ କାର୍ଯ୍ୟାଳୟ ଆଜି ଉଦଘାଟିତ ହୋଇଯାଇଛି l ଏହି ଅବସରରେ ଏକ ସୁନ୍ଦର ସାଂସ୍କୃତିକ କାର୍ଯ୍ୟକ୍ରମ ର ଆୟୋଜନ ହୋଇଥିଲା l ଏହା ସହିତ “ତୁ ମୋ କମଜୋରୀ ” ସିନେମା ର ସଂଗୀତ ର ତାଳେ ତାଳେ କଳାକାର ଓ ଦର୍ଶକ ଝୁମିଥିଲେ l ଏହି କାର୍ଯ୍ୟକ୍ରମ କୁ ଶହ ଶହ ଲୋକ ଉପଭୋଗ କରିଥିଲେ l କରୋନା କଟକଣା ଯୋଗୁଁ 9ମାସ ରୁ ଉର୍ଦ୍ଧ ଦିନ ହେବ ଭଞ୍ଜନଗର ସହର ରେ ବଡଧରଣ ର ସାଂସ୍କୃତିକ କାର୍ଯ୍ୟକ୍ରମ ହୋଇନଥିଲା l ନୃତ୍ୟ, ଅଭିନୟ, ସଂଗୀତ କ୍ଷେତ୍ରରେ ମୁଭ ଦି ୱାର୍ଲଡ ଭଞ୍ଜନଗର ସହରରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛି l ଆଜି ଭଞ୍ଜନଗର ଉପଖଣ୍ଡ ଉପଜିଲ୍ଲାପାଳ ରାଜେନ୍ଦ୍ର ମିଞ୍ଜ ମୁଖ୍ୟ ଅତିଥି ଭାବେ ଯୋଗଦେଇ ଉକ୍ତ ଅନୁଷ୍ଠାନ ର ନୂତନ କାର୍ଯ୍ୟାଳୟ କୁ ଉଦଘାଟନ କରିଥିଲେ l ଭଞ୍ଜନଗର ଏସ ଡ଼ି ପି ଓ ଶୁଭ୍ରାଂଶୁ ଶେଖର ମିଶ୍ର, ରୋଟାରୀ କ୍ଳବ ସମ୍ପାଦକ ରଞ୍ଜିତ ବାରିକ, ଡ଼. ଗୋପାଳ ନାୟକ, ଉକ୍ତ ଅନୁଷ୍ଠାନ ର ନିର୍ଦ୍ଦେଶିକା ବିଦେଶିନୀ ଗୌଡ଼ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଅନୁଷ୍ଠାନ ର ଉନ୍ନତି କାମନା କରିଥିଲେ l ଶୁଳପାଣି ଶତପଥୀ ଏହି କାର୍ଯ୍ୟକ୍ରମ କୁ ସଂଯୋଜନା କରିଥିବାବେଳେ ଅଭିନେତା ତଥା ପରିଚାଳନା ନିର୍ଦ୍ଦେଶକ ଆଶିଷ କୁମାର ଗୌଡ଼ ଧନ୍ୟବାଦ ଅର୍ପଣ କରିଥିଲେ l ଏହି ଅବସର ରେ ସ୍ୱତନ୍ତ୍ର ଅତିଥିଭାବେ ଡ଼. ଜଗଦୀଶ ନାୟକ, ପତିତପାବନ ପ୍ରଧାନ, କୋରିଓଗ୍ରାଫର ମନୀଷା ରାଣୀ ପାତ୍ର, ସନ୍ଦୀପ କୁମାର, ଶିବ ପ୍ରମୁଖ ସହଯୋଗ କରିଥିଲେ l ଏହା ସହ ଆଜିର ସାଂସ୍କୃତିକ କାର୍ଯ୍ୟକ୍ରମ ରେ” ତୁ ମୋ କମଜୋରୀ ” ସିନେମାର ପ୍ରଯୋଜକ ଆଶୁତୋଷ ତ୍ରିପାଠୀ, ଟିକି ପଟ୍ଟନାୟକ, ହିରୋ ରାକେଶ ଦେଓ, ହିରୋଇନ ଅନୁଭା ସୌର୍ଯ୍ୟ, ଦ୍ୱିତୀୟ ହିରୋ ଆଶିଷ କୁମାର, ଖଳନାୟକ ଦେବ, ହାସ୍ୟ ଅଭିନେତା ସ୍ମୃତି (ନଟିଆ ) ଓ ଶୁଭମ ପ୍ରମୁଖ ଅତିଥି ଭାବେ ଯୋଗଦେଇଥିଲେ ଏବଂ ଶିବାନୀ ମଞ୍ଚ କୁ ପରିଚାଳନା କରିଥିଲେ l