ମେଟ୍ରୋନ ନିଯୁକ୍ତିକୁ ନେଇ ବିବାଦ
ଚିତ୍ରକୋଣ୍ଡା, (ଯୁଗାବ୍ଦ ନ୍ୟୁଜ):ଚିତ୍ରକୋଣ୍ଡା ବ୍ଲୋକ ଆର.ଏ.ସି-୬ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟରେ ମେଟ୍ରୋନ ନିଯୁକ୍ତିକୁ ନେଇ ଉପୁଜିଛି ବିବାଦ। ଦୀର୍ଘ ଦିନ ଧରି ସ୍କୁଲରେ ମେଟ୍ରୋନ ପଦବୀ ଖାଲି ରହିଥିବା ବେଳେ କିଛି ଦିନ ତଳେ ନୂତନ ନିଯୁକ୍ତି ପାଇଁ ବିଜ୍ଞାପନ ବାହାରି ଥିଲା। ଆର.ଏ.ସି ଗ୍ରାମର କିଛି ମହିଳା ଏହି ପଦବୀ ପାଇଁ ଆବେଦନ କରିଥିଲେ। ହେଲେ ଅନ୍ୟ ଗୋଟିଏ ବ୍ଲୋକର ମହିଳାଙ୍କୁ ଏହି ସ୍କୁଲରେ ମେଟ୍ରୋନ ଭାବେ ନିଯୁକ୍ତି ଦେଲା ପ୍ରଶାସନ। ଯାହାକୁ ନେଇ ଏବେ ଗ୍ରାମ ବାସୀ ବିରୋଧ କରିବା ସହ ସ୍କୁଲର ମୁଖ୍ୟ ଫାଟକରେ ତାଲା ପକାଇ ରାସ୍ତା ଅବରୋଧ କରିବା ସହ ସ୍କୁଲ ସମ୍ମୁଖରେ ଧାରଣାରେ ବସିଛନ୍ତି। ରାସ୍ତା ଅବରୋଧ କରିବା ଯୋଗୁଁ ଯାନ ବାହାନ ପାପଲୁର, କପାତୁଟି, କୁର୍ମାନୁର ଆଦି ଅଞ୍ଚଳକୁ ଯାତାୟାତ ବନ୍ଦ ରହିଛି। ଯଦି ପ୍ରଶାସନ ସେମାନଙ୍କର ଦାବି ନଶୁଣେ ତେବେ ଆଗାମୀ ଦିନରେ ଆନ୍ଦୋଳନ ହବ ବୋଲି ଲୋକେ ଚେତାବନୀ ଦେଇଛନ୍ତି।
