ମୋହନାରେ ମୃଦୁ ଭୂକମ୍ପ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ମୋହନା ବ୍ଲକର ବିଭିନ୍ନ ଅଞ୍ଚଳରେ ମୃଦୁ ଭୁକମ୍ପ ଅନୁଭୂତ ହୋଇଥିବା ସୂଚନା ମିଳିଛି. ଗତକାଲି ସୋମବାର ସନ୍ଧ୍ୟା ପ୍ରାୟ ୫:୨୫ ରେ ଏକ ଶବ୍ଦ ହୋଇଥିଲା. ଏଥିସହ ଘରର ବିଭିନ୍ନ ଆସବାବପତ୍ର ଦୋହଲିବାକୁ ଲାଗିଥିଲା । ଭୁକମ୍ପ ହେଉଥିବା ଜାଣି ଲୋକମାନେ ଭୟରେ ଘରୁ ବାହାରକୁ ଚାଲି ଆସିଥିଲେ. ୨ ରୁ ୩ ସେକେଣ୍ଡ ଏଭଳି ଭୁକମ୍ପ ଅନୁଭୁତ ହୋଇଥିବା ଅଞ୍ଚଳବାସୀ ପ୍ରକାଶ କରିଛନ୍ତି. ଏଥିରେ କୌଣସି କ୍ଷୟକ୍ଷତି ହୋଇନଥିବା ଜଣାପଡିଛି. ଗଜପତି ଜିଲ୍ଲାର ମୋହନା ବ୍ଲକ ସଦର ମହକୁମାର କିଛି ଅଞ୍ଚଳ ସମେତ ଚାନ୍ଦିପୁଟ, ଚନ୍ଦ୍ରଗିରି, ଅଡବା, ଲୁହଗୁଡ଼ି, ମହେନ୍ଦ୍ରଗଡ଼, ଛେଲିଗଡ଼, ରା. ଉଦୟଗିରି ଅଞ୍ଚଳରେ ମଧ୍ୟ ଭୂକମ୍ପ ହୋଇଥିବା ସୂଚନା ମିଳିଛି.
