ମୋହନା ପୁଲିସ ଦ୍ୱାରା ଗଞ୍ଜେଇ ସହ କାର ଜବତ ଚାଳକ ଫେରାର

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ପାରଳାଖେମୁଣ୍ଡି, ଗଜପତି ଜିଲ୍ଲାର ମୋହନା ଥାନା ପୋଲିସ ଦ୍ୱାରା ଗଞ୍ଜେଇ ସହ କାର ଜବତ ହୋଇଥିବା ଜଣା ପଡିଛି. ମୋହନା ଥାନା କର୍ମଚାରୀ ପେଟ୍ରୋଲିଂ କରିବା ସମୟରେ ଏକ ଇଣ୍ଡିଗୋ କାର OD 05B 5169 କାରଟି ପୋଲିସକୁ ଦେଖି ଡ୍ରାଇଭର ଜଣକ ଗାଡିକୁ ଛାଡି ଦୌଡ଼ି ଚାଲି ଯାଇଥିଲେ. ପୋଲିସ କାର ନିକଟରେ ପହଞ୍ଚି ଯାଞ୍ଚ କରିଥିଲେ. ଜଣା ପଡିଲା କାର ରେ ଦୁଇଟି ଜରି ବେଗରେ ୫୮ କେଜି ୩୦୦ ଗ୍ରାମ ଗଞ୍ଜେଇ ଚାଲାଣ ପାଇଁ କାରଟି ବ୍ୟବହୃତ ହେଉଥିଲା. ମୋହନା ପୋଲିସ କାରଟିକୁ ଜବତ କରିବା ସହ ଗଞ୍ଜେଇ ଚାଲାଣକାରୀଙ୍କୁ ଧରିବା ପାଇଁ ତଦନ୍ତ ଜାରି ରଖିଥିବା ଜଣା ଯାଇଛି. ପୋଲିସ ଗାଡିକୁ ଅଟକାଇବା ସମୟରେ ଗାଡିକୁ ଛାଡି ଚାଳକ ଫେରାର ହୋଇଥିଲା।ମୋହନା ଥାନା ଅଧିକାରୀ ବସନ୍ତ କୁମାର ସେଠୀ ଗାଡି ଟିକୁ ଜବତ କରିବା ସହ ଗଞ୍ଜେଇ ଜବତ କରି ଅଧିକ ତଦନ୍ତ କରୁଥିବା ଦେଖିବାକୁ ମିଳିଛି।ଏହି ଘଟଣାରେ ମୋହନା ତହସିଲଦାର ହିମାଂଶୁ ଭୂଷଣ ପଲାଇ ମାଜିଷ୍ଟ୍ରେଟ ଦାୟିତ୍ୱରେ ଥିବା ଜଣାପଡ଼ିଛି।ଏହି ଚଡାଉ ରେ ମୋହନା ଥାନା କର୍ମଚାରୀ ସହଯୋଗ କରିଥିଲେ।