ମୋ ଅନୁଷ୍ଠାନ ସାହିତ୍ୟ ସଂସଦ ପକ୍ଷରୁ କମ୍ବଳ ବଣ୍ଟନ

ହାଟଡିହି, (ବିକାଶ ବିଶ୍ୱାଳ):ମୋ ଅନୁଷ୍ଠାନ ସାହିତ୍ୟ ସଂସଦ, ଆଲଦା, ଖଇରା ପକ୍ଷରୁ କମ୍ବଳ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ଦୁଆରଶୁଣି ନିକଟରେ ବରିଷ୍ଠ ସାହିତ୍ୟିକ ମୁରଲୀଧର ବେହେରାଙ୍କ ସଭାପତିତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପୂର୍ବତନ ବ୍ଲକ ସହଶିକ୍ଷା ଅଧିକାରୀ ତଥା କବି ଚ଼ତୁର୍ଭୁଜ ପହି, ସାମ୍ବାଦିକ କିଶୋର ଆଚାର୍ଯ୍ୟ, ସାହିତ୍ୟ ଘରର ସହ ସମ୍ପାଦକ ନାରାୟଣ ସାହୁ, ସାମ୍ବାଦିକ ଗୋପାଳକୃଷ୍ଣ ରାଉତ, ସାମ୍ବାଦିକ ବିଭୂତି ଭୂଷଣ ଜେନା, ସମିତି ସଭ୍ୟ କୈଳାଶ ରାଉତ, ବଉଳା ସାହିତ୍ୟ ସଂସଦର ସମ୍ପାଦକ ସୁରେନ୍ଦ୍ର ପରିଡା, କବି ଅନନ୍ତ ଚ଼ରଣ ମୁଦୁଲି, ମୋ ଅନୁଷ୍ଠାନ ସାହିତ୍ୟ ସଂସଦର ସମ୍ପାଦକ ନରେନ୍ଦ୍ର ପ୍ରସାଦ ବେହେରା, କାର୍ଯ୍ୟକାରୀ ସଭାପତି କୁଞଲତା ମହାନ୍ତ, ସହ ସମ୍ପାଦିକା ମମତାମୟୀ ବିଶ୍ଵକଲ୍ୟାଣୀ ରାଉତ, ହେମନ୍ତ ନାୟକ ପ୍ରମୁଖ ଯୋଗଦେଇ ସାହିତ୍ୟ ସଂସଦ ଯେ କେବଳ ସାହିତ୍ୟର ପ୍ରଚାର ପ୍ରସାର ପାଇଁ କାମ କରେ ତା ନୁହଁ,ସମାଜସେବା କ୍ଷେତ୍ରରେ ମଧ୍ୟ ଭୂମିକା ନିର୍ବାହ କରେ ବୋଲି ମତିବ୍ୟକ୍ତ କରିଥିଲେ । ପ୍ରାରମ୍ଭରେ ଦୁଆରଶୁଣି ପୂଜା କମିଟିର ସଦସ୍ୟ ଦେବେନ୍ଦ୍ର ସା ଙ୍କ ଅକାଳ ବିୟୋଗ ପାଇଁ ଗୋଟିଏ ମିନିଟ ନୀରବ ପ୍ରାର୍ଥନା କରାଯାଇ ଥିଲା। ଏହି ଅବସରରେ ସାମ୍ବାଦିକ କିଶୋର ଆଚାର୍ଯ୍ୟ, ସାମ୍ବାଦିକ ଗୋପାଳକୃଷ୍ଣ ରାଉତ, ସାମ୍ବାଦିକ ବିଭୂତି ଭୂଷଣ ଜେନା ଓ ସମିତି ସଭ୍ୟ କୈଳାଶ ରାଉତଙ୍କୁ ସମ୍ବର୍ଦ୍ଧିତ କରାଯିବା ସହ ୨୦ରୁ ଉର୍ଦ୍ଧ ଗରିବ ବୃଦ୍ଧବୃଦ୍ଧାଙ୍କୁ ମୋ ଅନୁଷ୍ଠାନ ସାହିତ୍ୟ ସଂସଦ ପକ୍ଷରୁ ପ୍ରଦତ୍ତ କମ୍ବଳ ଗୁଡିକ ବଣ୍ଟନ କରାଯାଇଥିଲା।