ମୋ ଜୀବନ,ମୋର ସ୍ୱଚ୍ଛ ସହର ଅଭିଯାନ ଆରମ୍ଭ

ହିଞ୍ଜିଳିକାଟୁ, (ଶେଷଦେବ ସାହୁ):ପୌର ପରିଷଦ,ହିଞ୍ଜିଳିକାଟୁ ପକ୍ଷରୁ ସହରରେ ଆରମ୍ଭ ହୋଇଛି ମୋ ଜୀବନ,ମୋର ସ୍ୱଚ୍ଛ ସହର ଅଭିଯାନ।ଭାରତ ସରକାରଙ୍କ ଗୃହ ଓ ନଗର ଉନ୍ନୟନ ମନ୍ତ୍ରଣାଳୟ ପକ୍ଷରୁ ବର୍ଜ୍ୟବସ୍ତୁ ସୁପରିଚାଳନା ପାଇଁ ଏହି ଅଭିଯାନ ଆରମ୍ଭ ହୋଇଛି।ଏହା ଅଧୀନରେ ୩- ଆର ଅର୍ଥାତ ହ୍ରାସ,ପୁନଃ ବ୍ୟବହାର ଓ ପୁନଃ ବ୍ୟବହାର ଉପକ୍ରମ ଅନୁସାରେ ପୌର ପରିଷଦର ସମସ୍ତ ୱାର୍ଡରେ ଏହି ଅଭିଯାନ ଆରମ୍ଭ ହେବା ନିଶ୍ଚିତ ହୋଇଛି।ଆସନ୍ତା ଜୁନ ୫ ତାରିଖ ବିଶ୍ୱ ପରିବେଶ ଦିବସ ପର୍ଯ୍ୟନ୍ତ ଏହି ମହତାକାଂକ୍ଷୀ କାର୍ଯ୍ୟକ୍ରମ ଅନୁଷ୍ଠିତ ହେବ।ସହରକୁ ପୁରୁଣା ଅଳିଆ ଆବର୍ଜନା ମୁକ୍ତ କରିବା ପାଇଁ ପୁରୁଣା ପୋଷାକ,ଜୋତା,ବହି, ଖେଳନା, ପ୍ଲାଷ୍ଟିକ ସାମଗ୍ରୀ ଏବଂ ଇଲେକ୍ଟ୍ରୋନିକ ଜିନିଷ ଗୁଡିକ ଲୋକଙ୍କ ଅଣ ଅତ୍ୟାବଶ୍ୟକ ସାମଗ୍ରୀ ଗୁଡିକ ନିଆଯିବ ଏବଂ ପୁନଃ ବ୍ୟବହାର ଉପଯୋଗୀ ହେବ।ଗତ ୨୦୨୦ସାଲରେ ଅନୁଷ୍ଠିତ ସିଓପି-୨୬ ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମିଶନ ଜୀବନ(ଜୀବନଶୈଳୀ ପାଇଁ ପରିବେଶ)ଉପରେ ଏକ ପ୍ରସ୍ତାବ ରଖିଥିଲେ ଯାହାକି ପରିବେଶର ସୁରକ୍ଷା ତଥା ସଂରକ୍ଷଣ ପାଇଁ ବ୍ୟକ୍ତିଗତ ତଥା ସାମୂହିକ ଭାବରେ କାର୍ଯ୍ୟ କରିବାର କଳ୍ପନା କରିଥିଲେ।ମିଶନ ଲାଇଫ ପ୍ରୋ ପ୍ଲାନେଟ ଲୋକଙ୍କ ଆତ୍ମାକୁ ମଜବୁତ କରିବ।ଜଳବାୟୁ ପରିବର୍ତ୍ତନ ବିରୋଧରେ ଦୀର୍ଘ ଲଢେ଼ଇରେ ଲକ୍ଷ୍ୟ ହେଉଛି ଏକ ଗ୍ରହ ସ୍ତରରେ ଆଚରଣଗତ ପରିବର୍ତ୍ତନ ଆଣିବା।ତିନି ସପ୍ତାହ ଅଭିଯାନରେ ସ୍ୱଚ୍ଛ ଭାରତ ମିଶନ-ସହରୀ ୨.୦ ସମାଧାନକୁ ସୁଦୃଢ଼ କରିବ।ମେରୀ ଜିନ୍ଦେଗି, ମେରା ସ୍ୱଚ୍ଛ ସହର ଚଳିତ ବର୍ଷରେ ଜୀବନର ପ୍ରତିଶ୍ରୁତି ସହିତ ଶେଷ ହେବ ବୋଲି ପ୍ରଧାନମନ୍ତ୍ରୀ କହିଛନ୍ତି।ଆସନ୍ତା ଜୁନ ୫ ବିଶ୍ୱ ବିଶ୍ୱ ପରିବେଶ ଦିବସ ପର୍ଯ୍ୟନ୍ତ ଏହା ସମସ୍ତଙ୍କ ଦ୍ୱାରା ପରିଚାଳିତ ହେବ।ଏହି ପରିପ୍ରେକ୍ଷୀରେ ଶନିବାର ୱାର୍ଡ-୬ରେ ୩ ଆର କେନ୍ଦ୍ର ଉଦଘାଟନ ହୋଇଥିଲା।ପୌର କାର୍ଯ୍ୟ ନିର୍ବାହୀ ଅଧିକାରୀ ଜୁବୁଲି ଚରଣ ବେହେରାଙ୍କ ସଂଯୋଜନାରେ ବରିଷ୍ଠ ନାଗରିକ ଚିତ୍ତ ବିନୋଦନ କେନ୍ଦ୍ରରେ ଆୟୋଜିତ କାର୍ଯ୍ୟକ୍ରମରେ ପୋୖରାଧ୍ୟକ୍ଷ ସୁବାସ ଚନ୍ଦ୍ର ପୋଲେଇ ଏବଂ ଉପାଧ୍ୟକ୍ଷା ସୁଚିତ୍ରା ପଣ୍ଡା ପ୍ରମୁଖ ଅତିଥି ଭାବେ ଯୋଗ ଦେଇ ଏହାକୁ ଉଦଘାଟନ କରିଥିଲେ।ଏହି ଅବସରରେ ସହର ଓ ପରିବେଶକୁ ଅଳିଆ ଆବର୍ଜନା ମୁକ୍ତ କରିବା ପାଇଁ ଆହ୍ୱାନ ଦେଇଥିଲେ।କାର୍ଯ୍ୟକ୍ରମରେ ସମସ୍ତ ପାରିଷଦ,କନିଷ୍ଠ ଯନ୍ତ୍ରୀ ମାନସ ରଞ୍ଜନ ଦାଶ ଓ ଦିଲ୍ଲୀପ କୁମାର ମିଶ୍ର,କନିଷ୍ଠ ପରିମଳ ଅଧିକାରୀ ସମୀର କୁମାର ମହାନ୍ତି,କର୍ମଚାରୀ, ସ୍ୱଚ୍ଛ ସାଥୀ, ସ୍ୱଚ୍ଛ ସୁପରଭାଇଜର, ଏସଏଚଜି ଗୋଷ୍ଠୀ ଏବଂ ଅନ୍ୟାନ୍ୟ କର୍ମଚାରୀ ଉପସ୍ଥିତ ଥିଲେ।