ମୋ ଯୁବା ଭାରତ ପୋର୍ଟାଲର ବାର୍ଷିକ ପାଳନରେ ସଫେଇ

ନାଉଗାଁ, (ଯୁଗାବ୍ଦ ନ୍ୟୁଜ):ମୋ ଯୁବା ଭାରତ ପୋର୍ଟାଲର ବାର୍ଷିକ ଉପଲକ୍ଷେ ଆଲୋକର ପର୍ବ ଶୁଭ ଦୀପାବଳି ଅବସରରେ ମୋ ଭାରତ ପୋର୍ଟାଲ ପାଇଁ ବିଭିନ୍ନ ହାଟ ବଜାର, ସ୍ୱାସ୍ଥ୍ୟ କେନ୍ଦ୍ର, ଟ୍ରାଫିକ ଛକମାନଙ୍କରେ ସ୍ୱଚ୍ଛତା କାର୍ଯ୍ୟକ୍ରମ କରାଯାଉଛି। ମୋ ଭାରତ ଜଗତସିଂହପୁର ଓ ସୋସିଆଲ ମିଶନ ୱାଲର୍ଡର ମିଳିତ ଆନୁକୁଲ୍ୟରେ ଜଗତସିଂହପୁର ଜିଲ୍ଲା ନାଉଗାଁ ବ୍ଲକ ଅନ୍ତର୍ଗତ ଗଂଗଦାହାଟରେ ଏକ ସଫେଇ କାର୍ଯ୍ୟକ୍ରମ କରାଯାଇଥିଲା। ସୋସିଆଲ ମିଶନ ୱାଲର୍ଡର ସମ୍ପାଦକ ସବେଶ୍ୱର୍ର ମହାରଣାଙ୍କ ଆହ୍ୱାନକ୍ରମେ ବଜାରର ସ୍ୱେଚ୍ଛାସେବୀ ବନ୍ଧୁମାନେ ଏହି କାର୍ଯ୍ୟକ୍ରମରେ ଯୋଗଦାନ କରିଥିଲେ। ଏଥିରେ ପାଖାପାଖି ୨୦ରୁ ଉର୍ଦ୍ଧ୍ୱ ସ୍ୱେଚ୍ଛାସେବୀମାନେ ସାମିଲ ହୋଇ ସଫେଇ କରିଥିଲେ। ଏହି କାର୍ଯ୍ୟକ୍ରମରେ ଅଧ୍ୟାପକ ଚୈତନ୍ୟ ପରିଡା, ଶିକ୍ଷାବିତ୍ ସୁକାନ୍ତ ଲେଙ୍କା, ସମାଜସେବୀ ଜଗନ୍ନାଥ ମୁଦୁଲି, ସ୍ୱେଚ୍ଛାସେବୀ ରାଣାପ୍ରତାପ ଜେନା ଆଦି ଯୋଗ ଦେଇ କାର୍ଯ୍ୟକ୍ରମକୁ ପରିଚାଳନାରେ ସହଯୋଗ କରିଥିଲେ।