ଯଯାତି କେଶରୀ କ୍ଳବ୍ ଦ୍ୱାରା ଚାରା ବଣ୍ଟନ କାର୍ଯ୍ୟକ୍ରମ

ଚୌଦ୍ୱାର, (ଦୀପକ୍ କୁମାର ବେଉରା): ସ୍ୱାୟତ୍ତ ଶାସନ ଦିବସ ଅବସରରେ ପୌରପାଳିକା ୧୦ ୱାର୍ଡର ଯଯାତି କେଶରୀ କ୍ଳବ୍ ତରଫରୁ ଏକ ଫଳ ଜାତୀୟ ଚାରା ବଣ୍ଟନ ର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମ ସ୍ଥାନୀୟ ପୂର୍ବତନ କାଉନସିଲର ଶୁଭେନ୍ଦୁ ସାମଲଙ୍କ ପୌରହିତ୍ୟ ରେ ଅନୁଷ୍ଠିତ ହୋଇଥିଲା। ମୁଖ୍ୟ ଅତିଥି ଭାବେ ଚୌଦ୍ୱାର -କଟକ ର ପୂର୍ବତନ ବିଧାୟକ ପ୍ରଭାତ ବିଶ୍ୱାଳ ଯୋଗ ଦେଇ ଚାରବାଟିଆ ଅଂଚଳର ଅନେକ ଲୋକଙ୍କୁ ଚାରା ବଣ୍ଟନ କରିଥିଲେ । କ୍ଳବ୍ ର ଏହି ମହତ୍ତ କାର୍ଯ୍ୟ ପାଇଁ କ୍ଳବ୍ ର ସମସ୍ତ ସଦସ୍ୟଙ୍କୁ ପ୍ରଶଂସା କରିବା ସହ ଚାରା ରୋପଣ ଯୋଗୁଁ ଆମର ପରିବେଶ ସନ୍ତୁଳିତ ରହିବା ବିଷୟ ରେ ଆଲୋକପାତ କରିଥିଲେ। ଏହି କାର୍ଯ୍ୟକ୍ରମ ରେ ପିଜୁଳି, ପଣସ, ଆମ୍ବ, ଲେମ୍ବୁ, ନଡ଼ିଆ ଆଦି ଫଳ ଜାତୀୟ ଚାରା କେଭି ଡ୍ ୧୯ ନିୟମ କୁ ସମ୍ମାନ ଜଣାଇ ସାମାଜିକ ଦୂରତା ଅବଲମ୍ବନ କରି ବଣ୍ଟନ କରାଯାଇଥିଲା ।