ଯଶୋଦା ଫାଉଣ୍ଡେସନ ପକ୍ଷରୁ ଚାରା ବଣ୍ଟନ କାର୍ଯ୍ୟକ୍ରମ

ଛତ୍ରପୁର,(ଦେବଦତ୍ତ ମହାରଣା): ଛତ୍ରପୁର ର ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ଯଶୋଦା ଫାଉଣଡେସନ ପକ୍ଷରୁ ଛତ୍ରପୁର ବ୍ଲକ ଅନ୍ତର୍ଗତ ଶ୍ରୀରାମଚନ୍ଦ୍ରପୁର ଗ୍ରାମପାଞ୍ଚାୟତ ନାରାୟଣପୁର ଗ୍ରାମରେ ଟ୍ରଷ୍ଟି ସାଗରିକା ପଣ୍ଡାଙ୍କ ପୈାରହିତ୍ୟରେ ଚାରା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଗ୍ରାମ୍ୟ କମିଟିର ମେମ୍ବର ଦୁର୍ଯ୍ୟୋଧନ ପ୍ରଧାନ , ୱାର୍ଡ ମେମ୍ବର ଛବିତା ପ୍ରଧାନ , ଯଶୋଦା ଫାଉଣ୍ଡେସନର ସୁଦେଷ୍ଣା ସାହୁ ଓ ପୁଷ୍ପାଞ୍ଜଳି ସାହୁ ପ୍ରମୁଖ ଉପସ୍ଥିତ ରହି ଗ୍ରାମର ୨୦ଜଣ ମହିଳାଙ୍କୁ ନଡିଆ, ଗଙ୍ଗଶିଉଳି, କାଜୁ, ନିଳଗିରି, ପିଜୁଳି, ଡାଳିମ୍ବ, ଅଳାଁ ସମେତ ବିଭିନ୍ନ ରକମରମ ଚାରା ବଣ୍ଟନ କରାଯାଇଛି । ଏହାସହିତ ମାସ୍କ ବଣ୍ଟନ କରାଯାଇ କୋଭିଡ-୧୯ ନୀୟମ ମାନି ଚଳିବାକୁ କୁହାଯାଇଛି । ସମସ୍ତ କାର୍ଯ୍ୟକ୍ରମକୁ ସୁଦେଷ୍ଣା ସାହୁ ଓ ପୁଷ୍ପାଞ୍ଜଳି ସାହୁ ପରିଚାଳନା କରିଥିଲେ । ଶେଷରେ ୱାର୍ଡ ମେମ୍ବର ସମସ୍ତଙ୍କୁ ଧନ୍ୟବାଦ ପ୍ରଦାନ କରିଥିଲେ ।