ଯାତ୍ରୀବାହୀ ଅଟୋ ସହ ବାଇକ୍ ଧକ୍କା, ୪ ଗୁରୁତର

ହିଞ୍ଜିଳିକାଟୁ, (ଶେଷଦେବ ସାହୁ) : ୫୯ ନଂ ଜାତୀୟ ରାଜପଥ ତଥା ହିଞ୍ଜିଳି ଥାନା କୁକୁଡ଼ାଖଣ୍ଡି ନିକଟସ୍ଥ ବଡ଼କେନାଲ ଛକ ନିକଟରେ ଯାତ୍ରୀବାହୀ ଅଟୋ(ଓଡ଼ି୦୭ଏଫ୍ ୦୦୧୪) ସହ ହିରୋ ଗ୍ଳେମର ବାଇକ(ଓଡ଼ି୦୭ଜି ୦୨୭୩)ର ମୁହାଁମୁହିଁ ଧକ୍କା ଘଟି ୪ ଜଣ ଗୁରୁତର ଆହତ ହୋଇଥିବା ବେଳେ ଅନ୍ୟ ୨ଜଣ ଯାତ୍ରୀ ସାମନ୍ୟ ଆହତ ହୋଇଛନ୍ତି । ଗୁରୁତର ଆହତ ମାନେ ହେଲେ ବ୍ରହ୍ମପୁର ଅଂଚଳର ବାଇକ ଚାଳକ ସୋମନାଥ ମହାରଣା , ସାଥୀ ସଂସାର ମହାଙ୍କୁଡ଼, ଅଟୋ ଚାଳକ ବ୍ରହ୍ମପୁର ସଦର ଥାନା ନୁଆଁ ରାମଚନ୍ଦ୍ରପୁର ଗ୍ରାମର ବି.ଚକ୍ରପାଣି ଓ ଯାତ୍ରୀ ହିଞ୍ଜିଳି ଥାନା ଶ୍ରଦ୍ଧାପୁର ଗ୍ରାମର ଏସ. ଲକ୍ଷ୍ମୀ । ଅଟୋରେ ଯାତ୍ରା କରୁଥିବା ଅନ୍ୟ ୨ଜଣ ସାମାନ୍ୟ ଆହତ ହୋଇଛନ୍ତି ।
ପ୍ରକାଶ ଯେ, ସୋମବାର ରାତିରେ ହିଞ୍ଜିଳି ଥାନା ବଳରାମପୁର ଗ୍ରାମରୁ ଯାତ୍ରୀବାହୀ ଅଟୋ ଯୋଗେ ଯାତ୍ରୀଙ୍କୁ ନେଇ ବ୍ରହ୍ମପୁର ଅଭିମୁଖେ ଯାଉଥିବା ବେଳେ ବିପରୀତ ଦିଗରୁ ଆସୁଥିବା ଏକ ବାଇକ ସହ ବଡ଼କେନାଲ ଛକ ନିକଟରେ ମୁହାଁମୁହିଁ ଧକ୍କା ଘଟିଥିଲା । ଦୂର୍ଘଟଣାରେ ୪ଜଣ ଗୁରୁତର ଆହତ ହୋଇଥିବା ବେଳେ ୨ଯାତ୍ରୀ ସାମାନ୍ୟ ଆହାତ ହୋଇଥିଲେ । ଖବର ପାଇ ହିଞ୍ଜିଳି ପୁଲିସ ଘଟଣା ସ୍ଥଳରେ ପଂହଚି ଆହତଙ୍କୁ ଉଦ୍ଧାର କରି ଚିକିତ୍ସା ସକାଶେ ୧୦୮ ଆମ୍ବୁଲାନ୍ସ ଯେ।।ଗେ ବ୍ରହ୍ମପୁର ବଡ଼ ଡ଼ାକ୍ତରଖାନାରେ ଭର୍ତି କରିଥିଲେ । ଦୂର୍ଘଟଣା ଗ୍ରସ୍ତ ଉଭୟ ଗାଡ଼ିକୁ ଥାନାକୁ ଆଣି ପୁଲିସ ଘଟଣାର ତଦନ୍ତ ଚଳାଇଛି ।