ଯାତ୍ରୀବାହୀ ଅଟୋ ସହ ମୋପେଡ଼ ମୁହାଁମୁହିଁ – ଜଣେ ଗୁରୁତର

ହିଞ୍ଜିଳିକାଟୁ, (ଶେଷଦେବ ସାହୁ): ପୁରୁଷୋତମପୁର ଥାନା ଯାମୁନୀ ନିକଟସ୍ଥ ଗାଙ୍ଗଦହଣୀ ଗ୍ରାମ ଛକ ନିକଟରେ ଯାତ୍ରୀବାହୀ ଅଟୋ () ସହ ଟିଭିଏସ ଏକ୍ସଏଲର ମୁହାଁମୁହିଁ ଧକ୍କା ଘଟି ଟିଭିଏସ ଏକ୍ସଏଲର ଚାଳକ ଗୁରୁତର ଆହତ ହୋଇଛନ୍ତି । ଆହତ ଜଣକ ପୁରୁଷୋତମପୁର ଥାନା ଗାଙ୍ଗଦହଣି ଗ୍ରାମର କାଳିଆ ସାହୁ(୫୭) । ସ୍ଥାନୀୟ ଗ୍ରାମବାସୀ ଆହତଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ୧୦୮ ଆମ୍ବୁଲାନ୍ସ ଯୋଗେ ହିଞ୍ଜିଳିକାଟୁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ । ଅବସ୍ଥା ଗୁରୁତର ଥିବାରୁ ପ୍ରାଥମିକ ଚିକିତ୍ସା ପରେ ଅଧିକ ଚିକିତ୍ସା ପାଇଁ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ପ୍ରକାଶ ଯେ, ଯାତ୍ରୀବାହୀ ଅଟୋଟି ଗାଙ୍ଗଦହଣି ଗ୍ରାମରୁ ରାଳବ ଅଭିମୂଖେ ଫେରୁଥିବା ବେଳେ ବୀପରିତ ଦିଗରେ ଆସୁଥିବା ଟିଭିଏସ ଏକ୍ସଏଲ ସହ ମୁହାଁମୁହିଁ ଧକ୍କା ଘଟି କାଳିଆ ରାସ୍ତା ପ୍ୱାଶ୍ୱର୍କୁ ଛିଟିକି ପଡ଼ି ଗୁରୁତର ଆହତ ହୋଇଥିଲେ ।