ଯାତ୍ରୀବାହୀ ବସ୍ରରୁ ଖସିପଡି ବୃଦ୍ଧା ଗୁରୁତର
ହିଞ୍ଜିଳିକାଟୁ,(ସୁଧାନିଧି ଚୌଧୁରୀ): ଶୁକ୍ରବାର ସକାଳେ ୫୯ ନଂ ଜାତୀୟ ରାଜପଥ ତଥା ହିଞ୍ଜିଳି ଥାନା ପିତଳ ଛକରେ ଯାତ୍ରୀବାହୀ ବସ୍ (ଓଡି ୧୫ଏ ୯୪୮୦ )ରୁ ଖସିପଡିବାରୁ ଜଣେ ବୃଦ୍ଧା ଗୁରୁତର ଆହତ ହୋଇଛନ୍ତି। ଆହତ ଜଣଙ୍କ ହେଲେ ହିଞ୍ଜିଳି ଥାନା କିର୍ତ୍ତିପୁର ଗ୍ରାମର ରଙ୍ଗବତୀ ସ୍ବାଇଁ (୬୫) । ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ଚିକିତ୍ସା ପାଇଁ ହିଞ୍ଜିଳିକାଟୁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ଅବସ୍ଥା ଗୁରୁତର ଥିବାରୁ ପ୍ରାଥମିକ ଚିକିତ୍ସା ପରେ ତାଙ୍କୁ ଅଧିକ ଚିକିତ୍ସା ପାଇଁ ବ୍ରହ୍ମପୁର ବଡ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ଖବର ପାଇ ହିଞ୍ଜିଳି ପୁଲିସ ଘଟଣା ସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ବସ୍ କୁ ଜବତ କରି ଘଟଣାର ତଦନ୍ତ ଚଳାଇଛି। ପ୍ରକାଶ ଯେ, ବୃଦ୍ଧା ଜଣଙ୍କ କିର୍ତ୍ତିପୁର ଗ୍ରାମରୁ ଆସି ଚିକିତ୍ସା ପାଇଁ ହିଞ୍ଜିଳିକାଟୁ ମେଡିକାଲକୁ ଯିବା ପାଇଁ ପିତଳ ଛକ ନିକଟରେ ଛିଡା ହୋଇଥିଲେ। ପୋଲସରା ଠାରୁ ବ୍ରହ୍ମପୁର ଅଭିମୁଖେ ଯାଉଥିବା ଘରୋଇ ଯାତ୍ରୀବାହୀ ବସରେ ବୃଦ୍ଧା ଜଣଙ୍କ ଚଢୁଥିବା ବେଳେ ବସଟି ଛାଡିଦେବାରୁ ବୃଦ୍ଧା ଜଣଙ୍କ ବସରୁ ଖସି ଚକାତଳେ ପଡି ଯାଇଥିଲେ । ବୃଦ୍ଧାଙ୍କ ଗୋଡ ଉପର ଦେଇ ବସର ପଛଚକ ମାଡି ଯିବାରୁ ବୃଦ୍ଧା ଜଣଙ୍କ ଗୁରୁତର ଆହତ ହୋଇଥିଲେ। ଖବର ଲେଖା ହେବା ସୁଦ୍ଧା ଘଟଣା ନେଇ ହିଞ୍ଜିଳି ଥାନାରେ କୈାଣସି ଅଭିଯୋଗ ହୋଇନଥିବା ଥାନା ସୂତ୍ରରୁ ଜଣାପଡିଛି।
ଫୋଟ –
