ଯୁବକଙ୍କୁ ହତ୍ୟା ଅଭିଯୋଗ

ଭଣ୍ଡାରିପୋଖରୀ, (ଦୁର୍ଯ୍ୟଧନ ଲେଙ୍କା):ଭଣ୍ଡାରିପୋଖରୀ ବ୍ଲକ ଷୋଳମପୁର ପଂଚାୟତ ଵିରୋଳି ଗ୍ରାମର ଶ୍ବଶୁର ଘରକୁ ଆସି ଯଣେ ଯୁବକଙ୍କ ମୃତ ଦେହ ମିଳିବା ଘଟଣାରେ ହତ୍ୟା ଅଭିଯୋଗ କରିଛନ୍ତି ପରିବାର ଲୋକ। ପ୍ରାପ୍ତ ସୂଚନା ମୁତାବକ ଯାଜପୁର ଥାନା ଟିପର ଗ୍ରାମର ହୃଷିକେଶ ଷଡ଼ଙ୍ଗୀଙ୍କ ପୁଅ ରଞ୍ଜନ ବିରୋଳି ଗ୍ରାମର କୃଷ୍ଣଚନ୍ଦ୍ର ପଣ୍ଡାଙ୍କ ଝିଅ ରେଖା ରାଣୀଙ୍କୁ ଵିଵାହ କରିଥିଲେ। ସ୍ବାମୀ ସ୍ତ୍ରୀ ଙ୍କ ମଧ୍ୟରେ ସମ୍ପର୍କ ତିକ୍ତତା ହେବାରୁ ରେଖାରାଣୀ ବାପ ଘରକୁ ପଳେଇ ଆସିଥିଲେ। ରଞ୍ଜନ ମଧ୍ୟ ଶଶୁର ଘରକୁ ଆସି ଥିବା ବେଳେ ଗତ ଶନିବାର ସନ୍ଧ୍ୟାରେ ନିକଟ ଗେଙ୍ଗୁଟୀ ନଦୀ ପୋଲ ତଳୁ ଯୁବକର ମୃତ ଦେହ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଥିଲା। ଶଶୁର ଘର ଲୋକମାନେ ରଞ୍ଜନକୁ ଯୋଜନା ବଦ୍ଧ ଭାବେ ହତ୍ୟା କରିଥିବା ପରିବାର ଲୋକେ ଥାନାରେ ଅଭିଯୋଗ କରିଛନ୍ତି। ଅଭିଯୋଗକୁ ଭିତ୍ତିକରି ପୋଲିସ ଶଵ ଜଵତ କରି ବ୍ୟବଛେଦ ପାଇଁଁ ପଠାଇଥିବା ବେଳେ ଏନେଇ ୪୨୫/୨୩ରେ ଏକ ମାମଲା ରୁଜୁ କରିଛି।