ଯୁବ କଂଗ୍ରେସ ନେତାଙ୍କୁ ରାହୁଲଗାନ୍ଧୀଙ୍କ ପ୍ରଶଂସା
ହିଞ୍ଜିଳିକାଟୁ, (ଶେଷଦେବ ସାହୁ) : ମହାମାରୀ କରୋନା ଭୁତାଣୁ ସଂକ୍ରମଣର ଦ୍ୱିତୀୟ ଲହର ସମୟରେ ଗରୀବ, ଅସହାୟ ଓ ନିରାଶ୍ରୟ ବ୍ୟକ୍ତି ମାନଙ୍କୁ ଶୁଖିଲା ଓ ରନ୍ଧା ଖାଦ୍ୟ, ମାସ୍କ, ସାନିଟାଇଜର ବଂଟନ କରି ପ୍ରଶଂସାର ପାତ୍ର ହୋଇଛନ୍ତି ହିଂଜିଳିକାଟୁ ପୌରାଂଚଳର ଯୁବ କଂଗ୍ରେସ ନେତା କହ୍ନେୟାଲାଲ ସାବତ । ଭାରତୀୟ ଜାତୀୟ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ, ଆଇୱାଇସି ଜାତୀୟ ସଭାପତି ବିଭି ଶ୍ରୀନିବାସ ଓ ଶ୍ରୀକ୍ରୀଷ୍ଣା ଆଲବାରୁ ପ୍ରମୁଖଙ୍କ ସ୍ୱାକ୍ଷର ରହିଥିବା ଏକ ପ୍ରଶଂସା ପତ୍ର ଯୁବ ନେତା କହ୍ନେୟାଙ୍କୁ ପ୍ରଦାନ କରାଯାଇଛି । ସ୍ଥାନୀୟ ଅଂଚଳର ସମସ୍ତ ଯୁବ କଂଗ୍ରେସ କର୍ମୀଙ୍କ ସହଯୋଗ ଯୋଗୁଁ ଏଭଳି ପ୍ରଶଂସା ପତ୍ର ମିଳିଛି ବୋଲି ଯୁବନେତା ସାବତ କହିଛନ୍ତି ।
