ରାଜ୍ୟସ୍ତରୀୟ ପୋଲିସ ଭଲିବଲ ଓ ବାସ୍କେଟବଲ ଚମ୍ପିଅନସିପ୍ର ଦ୍ୱିତୀୟ ଦିବସ

କେନ୍ଦ୍ରାପଡା , (ଯୁଗାବ୍ଦ ନ୍ୟୁଜ୍): କେନ୍ଦ୍ରାପଡା ଜିଲ୍ଲା ପୋଲିସ ଆନୁକୁଲ୍ୟରେ ଶୁକ୍ରବାର ଉଦଘାଟିତ ହୋଇଥିବା ୭୬ତମ ରାଜ୍ୟ ସ୍ତରିୟ ପୋଲିସ ଭଲିବଲ ଓ ବାସ୍କେଟବଲ ଚମ୍ପିୟନସିପର କେନ୍ଦ୍ରାପଡା ହାଇସ୍କୁଲ ଖେଲ ପଡିଆରେ ଅନୁଷ୍ଠିତ ପ୍ରତିଯୋଗୀତାର ଦ୍ୱିତୀୟ ଦିବସର ପ୍ରଥମ ଭଲିବଲ ମ୍ୟାଚରେ ୮ମ ଆଇ.ଆର.ବି.ଏନ. କମିଶନରେଟ ପୋଲିସ – (ଏ) କୁ ୨-୦ ସେଟରେ ହରାଇଥିବା ବେଳେ ଦ୍ୱିତୀୟ ମ୍ୟାଚରେ ୩ୟ ଆଇ.ଆର.ବି.ଏନ. ଓ.ଏସ.ଏ.ପି.୩ୟ ବାଟାଲିଅନକୁ ୨-୦ ସେଟରେ ହରାଇ ବିଜୟୀ ହୋଇଥିଲା । ସେହିପରି ୩ୟ ମ୍ୟାଚରେ ମୟୁରଭଞ୍ଜ ୨ୟ ଆଇ.ଆର.ବି.ଏନ.କୁ ୨-୦ ସେଟରେ ହରାଇଥିବା ବେଳେ ଚତୁର୍ଥ ମ୍ୟାଚରେ ୩ୟ ଏସ.ଏସ.ବି.ଏନ.କେନ୍ଦ୍ରାପଡାକୁ ୨-୦ ସେଟରେ ହରାଇ ବିଜୟ ହୋଇଥିଲା । ୫ମ ମ୍ୟାଚରେ ଓ.ଏସ.ଏ.ପି. ୨ୟ ବାଟାଲିଅନ ଓ.ଆଇ.ଏସ.ଏଫ ଭୂବନେଶ୍ୱରକୁ ୨-୦ ସେଟରେ ହରାଇଥିଲା । ୬ଷ୍ଠ ମ୍ୟାଚରେ କମିଶନରେଟ ପୋଲିସ (ବି) ଯାଜପୁରକୁ ୨-୦ ସେଟରେ ହରାଇଥିବା ବେଳେ ୭ମ ମ୍ୟାଚରେ ଓଡିଶା ଅଗ୍ନିଶମ ସେବା ବ୍ରହ୍ମପୁର ପୋଲିସକୁ ୨-୦ ସେଟରେ ହରାଇଥିଲା । ସେହିପରି ୮ମ ମ୍ୟାଚରେ ବାଲେଶ୍ୱର ପୋଲିସ ଅଷ୍ଟମ ବାଟାଲିଅନକୁ ୨-୦ ସେଟରେ ହରାଇଥିବା ବେଳେ ୯ମ ମ୍ୟାଚରେ ୧ମ ଇ.ଆର.ବି.ଏନ.କୋରାପୁଟ ସମ୍ବଲପୁର ପୋଲିସକୁ ୨-୦ ସେଟରେ ହରାଇ ବିଜୟୀ ହୋଇଥିଲା । ସେହିପରି ସେଂଟ ଯୋଶେଫ ସ୍କୁଲ ଖେଳ ପଡିଆରେ ଅନୁଷ୍ଠିତ ବାସ୍କେଟବଲ ପ୍ରତିଯୋଗୀତାର ଦ୍ୱିତୀୟ ଦିବସର ପ୍ରଥମ ମ୍ୟାଚରେ ୮ମ ଓ.ଏସ.ଏ.ପି.ବାଟାଲିଅନ ୨ୟ ଓ.ଏସ.ଏ.ପି. ବାଟାଲିଅନକୁ ୫୮ : ୫୧ ସ୍କୋରରେ ହରାଇଥିବା ବେଳେ ଦ୍ୱିତୀୟ ମ୍ୟାଚରେ କମିଶନରେଟ ପୋଲିସ (ଏ) ରାଉରକେଲା ପୋଲିସକୁ ୫୭: ୩୫ ସ୍କୋରରେ ହରାଇଥିଲା । ଅତିଥି ଭାବରେ ରିଜର୍ଭ ଇନିସପେକ୍ଟର ହେମନ୍ତ କୁମାର ଦାସ,୨ୟ ଆଇ.ଆର.ବି.ଏନ.ର ଡେପୁଟୀ କମାଣ୍ଡାଂଟ ଭବାନୀ ଶଙ୍କର ସେଠ ଓ କେନ୍ଦ୍ରାପଡା ଗୃହରକ୍ଷୀ ବାହିନୀର ସହକାରୀ ଦୂର୍ଗପତୀ ସୁରେନ୍ଦ୍ର ନାଥ ନାୟକ ପ୍ରମୁଖ ଯୋଗଦେଇଥିଲେ । ପ୍ରତିଯୋଗୀତାକୁ ରାଜ୍ୟ ପୋଲିସର କ୍ରୀଡା ଅଧିକାରୀ ବିଭୂତି ଭୂଷଣ ପରିଡା ପରିଚାଳନା କରିଥିବା ବେଳେ ରେଫରି ଭାବରେ ପ୍ରଭାସ ସାହୁ,ରାଜେଶ ଦାସ ଓ ଶିବରାମ ପାତ୍ର ଦାୟିତ୍ୱ ନିର୍ବାହ କରିଥିଲେ ।