ରାଜ୍ୟସ୍ତରୀୟ ସନ୍ତରଣରେ ପୁରୀରୁ ୧୦ ଖେଳାଳି
ପୁରୀ(ଜୁଗାବ୍ଦ ନ୍ୟୁଜ୍): ଶନିବାର ଠାରୁ ଦୁଇ ଦିନ ଧରି ଭୁବନେଶ୍ୱର କଳିଙ୍ଗ ଷ୍ଟାଡିୟମ୍ ସୁଇମିଂ ପୁଲ୍ରେ ୬୦ ତମ ରାଜ୍ୟସ୍ତରୀୟ ସନ୍ତରଣ ଚମ୍ପିୟାନ୍ସିପ୍ ଅନୁଷ୍ଠିତ ହେବାକୁ ଯାଉଛି । ସେଥିରେ ପୁରୀ ଜିଲ୍ଲା ସନ୍ତରଣ ଆସୋସିଏସନ୍ ପକ୍ଷରୁ ୧୦ ଜଣ ଖେଳାଳୀ ଅଂଶ ଗ୍ରହଣ କରିବେ । ଶକ୍ତିମାନ ନାୟକ ଫିଷ୍ଟ୍ରାଇଲ ଏବଂ ବ୍ୟାକ୍ଷ୍ଟ୍ରୋକ୍ ସନ୍ତରଣ, ଅପୂର୍ବ ଭୁକ୍ତା ଫିଷ୍ଟାଇଲ ୫୦ ଓ ୧୦୦ମି, ସୁମିତ୍ ଜେନା ୫୦ମି, ଫିଷ୍ଟାଇଲ, ସିନିୟର ବିଭାଗରେ ସୂର୍ଯ୍ୟକାନ୍ତ ସାହୁ, ଜୟନ୍ତ ଜାଲି, ହେମନ୍ତ ବେହେରା, ସମର ସାହୁ, ଆକାଶ ନାୟକ, ଶିଶିର ସାହୁ, ସମୀର କୁମାର ସାହୁ ଫ୍ରିଷ୍ଟାଇଲ, ବ୍ୟାକ୍ଷ୍ଟ୍ରୋକ୍, ବଟ୍ରଫାଏ, ମିଡ୍ଲେ ଏବଂ ରିଲେ ପ୍ରତିଯୋଗିତାରେ ଭାଗ ନେବେ । ଟିମ୍ କୋଚ୍ ଭାବେ ଅରୁଣ କୁମାର ମହାପାତ୍ର, ଜିତେନ୍ଦ୍ରନାଥ ଦାସ ରହିଥିଲାବେଳେ ଟିମ୍ ମ୍ୟାନେଜର ଭାବେ ରାମଚନ୍ଦ୍ର ମେକାପ ଯାଉଛନ୍ତି । ଗତବର୍ଷ ପୁରୀ ଜିଲ୍ଲା ସନ୍ତରଣ ଆସୋସିଏସନ୍ ରାଜ୍ୟସ୍ତରୀୟ ପ୍ରତିଯୋଗିତାରେ ୩ ଜଣ ଖେଳାଳୀ ପୁରସ୍କୃତ ହୋଇଥିଲେ । ସେହିପରି ଚଳିତ ବର୍ଷ ରାଜ୍ୟସ୍ତରୀୟ ପ୍ରତିଯୋଗିତାରେ ପୁରୀ ଟିମ୍ ଭଲ ପ୍ରଦର୍ଶନ କରିବ ବୋଲି ବରିଷ୍ଠ ଶିକ୍ଷକ କୁଷ୍ଣଚନ୍ଦ୍ର ପଣ୍ଡା, ଆସୋସିଏସନ୍ ସମ୍ପାଦକ ମଧୁସୂଦନ ମିଶ୍ର, ସଭାପତି ରାଜକିଶୋର ପାତ୍ର ଓ ଖେଳ ଅଧିକାରୀ ଚନ୍ଦନ ସାହୁ ପ୍ରମୁଖ ଆଶା ପ୍ରକାଶ କରିଛନ୍ତି ।
