ରେଞ୍ଜରଙ୍କୁ ଦଳିଦେଲା ହାତୀ

କଳାହାଣ୍ଡି, (ଯୁଗାବ୍ଦ ନ୍ୟୁଜ):ହାତୀ ଘଉଡାଇବାକୁ ଯାଇଥିବା ନର୍ଲା ରେଞ୍ଜରଙ୍କୁ ଦଳିଦେଲା ହାତୀ। ସୂଚନା ଅନୁସାରେ ଆଜି ସକାଳ ପ୍ରାୟ ସାଢ଼େ ଦଶଟା ସମୟରେ ସ୍ଥାନୀୟ ଲୋକଙ୍କଠାରୁ ଖବର ପାଇ ନର୍ଲା ରେଞ୍ଜର ପ୍ରଶାନ୍ତ ପାଳ(୫୭) ନର୍ଲା ରେଞ୍ଜ କନେକପୁର ବଲସିଙ୍ଘା ଜଙ୍ଗଲକୁ ହାତୀ ଘଉଡାଇବାକୁ ଯାଇଥିଲେ। ତେବେ ଜଙ୍ଗଲୀ ହାତୀ ଅଚାନକ ତାଙ୍କ ଉପରକୁ ଆକ୍ରମଣ କରି ଦଳି ଦେଇଥିଲା। ସ୍ଥାନୀୟ ଲୋକେ ଉଦ୍ଧାର କରି ବନ ବିଭାଗକୁ ଖବର ଦେଇଥିଲେ। ସଙ୍କଟାପନ୍ନ ଅବସ୍ଥାରେ ନର୍ଲା ଡାକ୍ତରଖାନା ନିଆଯାଇଥିବା ବେଳେ ଡାକ୍ତର ମୃତ୍ୟୁ ଘୋଷଣା କରିଥିବା ବନ ବିଭାଗ ପକ୍ଷରୁ ସୂଚନା ମିଳିଛି।