ରୋଟାରୀ କ୍ଲବ ଭୁବନେଶ୍ୱର ମିଡୋଜ ପକ୍ଷରୁ ନୂଆବର୍ଷ ପାଳନ
ଭୁବନେଶ୍ୱର, (ଯୁଗାବ୍ଦ ନ୍ୟୁଜ):ଖ୍ରୀଷ୍ଟିୟ ନବବର୍ଷ ୨୦୨୫ ଆଗମନରେ ସାରା ପୃଥିବୀରେ ଲୋକେ ନୂଆ ନୂଆ ଢଙ୍ଗରେ ମନ ମୁତାବକ ଅଡ଼ମ୍ବରପୂର୍ଣ୍ଣ ଭାବେ ପାଳନ କରିଛନ୍ତି । ଭୁବନେଶ୍ୱରର ବିଭିନ୍ନ ସ୍ଥାନରେ ଲୋକେ ଆନନ୍ଦ ଉଲ୍ଲାସରେ ଏହି ଦିବସଟିକୁ ପାଳନ କରିଛନ୍ତି । ଏହି ଅବସରରେ ଜିଜିପି କଲୋନୀରେ ରୋଟାରୀ କ୍ଲବ ଭୁବନେଶ୍ୱର ମିଡୋଜ ଅନୁଷ୍ଠାନ ପକ୍ଷରୁ ଦକ୍ଷିଣକାଳୀ ପୂଜା କମିଟି ଓ ମା’ ମଙ୍ଗଳା ୟୁଥ୍ କ୍ଲବ ସହଯୋଗରେ ନିଆରା ଭାବେ ଦିନଟିକୁ ପାଳନ କରାଯାଇଛି । ଅନୁଷ୍ଠାନ ପକ୍ଷରୁ ବୃକ୍ଷରୋପଣ, ଅସହାୟମାନଙ୍କୁ କମ୍ବଳ ବଣ୍ଟନ, ଛତା ବଣ୍ଟନ ସହ ଗୋସେବା ମଧ୍ୟ କରାଯାଇଥିଲା । ସ୍ଥାନୀୟ ଲୋକଙ୍କୁ ମାଗଣା ଆକ୍ୟୁପ୍ରେସର ସେବା ଯୋଗାଇ ଦିଆଯାଇଛି । ଏହି ସେବା ୬ ଦିନ ଧରି ଚାଲିବ । ସଭାପତି ବୁଦ୍ଧ ମହାପାତ୍ରଙ୍କ ସଭାପତିତ୍ୱରେ ମୁଖ୍ୟ ଅତିଥି ୩୨୬୨ ରୋଟାରୀ ଜିଲ୍ଲା ପ୍ରାନ୍ତପାଳ ଯାଜ୍ଞଶିଷ ମହାପାତ୍ର କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ । ସମ୍ମାନିତ ଅତିଥି ପୂର୍ବତନ ୩୨୬୨ ଜିଲ୍ଲା ପ୍ରାନ୍ତପାଳ ଅଶ୍ୱିନ କର, ସ୍ଥାନୀୟ କର୍ପୋରେଟର ବିପ୍ଲବ ବେହେରା, ବିଜୟଲକ୍ଷ୍ମୀ କର, ପ୍ରଶାନ୍ତ ଭଞ୍ଜ, ବିଚିତ୍ର ଲେଙ୍କା, ଗୋପାଳ ଅଗ୍ରୱାଲ, ପିକେ ଅମର ପ୍ରମୁଖ ବ୍ୟକ୍ତିଙ୍କ ଉପସ୍ଥିତିରେ କାର୍ଯ୍ୟକ୍ରମ ସୁଚାରୂ ରୂପେ ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମକୁ ପରିଚାଳନାରେ ସମାଜସେବୀ ମନୋରଞ୍ଜନ ମହାନ୍ତି ଓ ରମେଶ କୁମାର ମହାପାତ୍ର ସହଯୋଗ କରିଥିଲେ । ଭବିଷ୍ୟତରେ ବିଭିନ୍ନ ପ୍ରକାର ଜନକଲ୍ୟାଣ ମୂଳକ କାର୍ଯ୍ୟକ୍ରମ କରାଯିବା ନେଇ ଅନୁଷ୍ଠାନର ସଦସ୍ୟମାନେ ମତବ୍ୟକ୍ତ କରିଥିଲେ ।
