ଲୋକ ଅଦାଲତ ଅନୁଷ୍ଠିତ ୩୭କେସ ଫଇସଲା

ଭଞ୍ଜନଗର,(ସନ୍ତୋଷ କୁମାର ଜେନା): ଗଂଜାମ ଜିଲ୍ଲା ଭଞ୍ଜନଗର ଅତିରିକ୍ତ ଜିଲ୍ଲା ଜର୍ଜ ଅଦାଲତ ପରିସର ରେ ତାଲୁକ ଆଇନ ସେବା କମିଟି ର ଅଧ୍ୟକ୍ଷ ମାନ୍ୟବର ଅତିରିକ୍ତ ଜିଲ୍ଲା ଦୌରା ଜର୍ଜ ଶ୍ରୀଯୁକ୍ତ ହେମନ୍ତ କୁମାର ସେଠୀ ଙ୍କ ଦ୍ୱାରା ମାଇକ୍ରୋ ଲେବେଲ ଇ ଲୋକ ଅଦାଲତ ଅନୁଷ୍ଠିତ ହୋଇ ୩୭ଗୋଟି କେସ ଫଇସଲା ହୋଇ ହିତାଧିକାରୀ ମାନଙ୍କୁ ୧ କୋଟି ୩୭ ଲକ୍ଷ ୩ ହଜାର ୬୭୬ ଟଙ୍କା ପ୍ରଦାନ କରିବା ପାଇଁ ନିର୍ଦ୍ଦେଶ ହୋଇଛି । ମୁଖ୍ୟତଃ ମୋଟର ଦୁର୍ଘଟଣା ରେ ମୃତ୍ୟୁ ବରଣ କରିଥିବା ଓ କ୍ଷତିଗ୍ରସ୍ତ ହୋଇଥିବା ୩୦ ଗୋଟି କେସ ର ବିଚାର କରି ମାନ୍ୟବର ଅତିରିକ୍ତ ଜିଲ୍ଲା ଦୌରା ଜର୍ଜ ଶ୍ରୀଯୁକ୍ତ ହେମନ୍ତ କୁମାର ସେଠୀ ହିତାଧିକାରୀ ମାନଙ୍କୁ ୧ କୋଟି ୧୫ ଲକ୍ଷ ୫ ହଜାର କ୍ଷତିପୂରଣ ପ୍ରଦାନ କରିବା ପାଇଁ ନିର୍ଦ୍ଦେଶ ଦେଇଛନ୍ତି ।ଏହି କ୍ଷତି ପୂରଣ ଅର୍ଥ ଓରିଏଣ୍ଟାଲ, ନିଉ ଇଣ୍ଡିଆ ,ଚୋଳ ମଣ୍ଡଳମ, ଏସ.ବି.ଆଇ ଲାଇଫ, ଶ୍ରୀରାମ ଫାଇନାନ୍ସ,ଓ ବିଭିନ୍ନ ବୀମା କମ୍ପାନୀ କୁ ନିର୍ଦ୍ଦେଶ ଦେଇଛନ୍ତି । ମାନ୍ୟବର ସବ-ଜର୍ଜ ସ୍ରୋତସ୍ପୀନ କର ୪ଟି କେସ ମଧ୍ୟରୁ ୩ ଟି କେସ ର ବିଚାର କରି ବିଭିନ୍ନ ଆର୍ଥିକ ସଂସ୍ଥା କୁ ୨୧ ଲକ୍ଷ ୯୮ହଜାର ୬୭୬ ଟଙ୍କା ଦେବା ପାଇଁ ନିର୍ଦ୍ଦେଶ ଦେଇଛନ୍ତି । ସେହିପରି ମାନ୍ୟବର ଏସ.ଡି.ଜେ. ଏମ ଶ୍ରୀ ଯୁକ୍ତ ବେଦ ପ୍ରକାଶ ୨ଟି ପାରିବାରିକ କେସ ଓ ୧ଗୋଟି ଏନ.ଆ ଇ. ଆକ୍ଟ କେସ ର ବିଚାର କରି ଫସିସଲା ଶୁଣେଇଛନ୍ତି । ତାଲୁକ ଆଇନ ସେବା କମିଟି ର ସଦସ୍ୟା ଅଳକା ମଞ୍ଜରୀ ପଟ୍ଟନାୟକ, ବରିଷ୍ଠ ଓକିଲ ସନ୍ତୋଷ କୁମାର ତିଆଡି,ଅରୁଣ ପାଢ଼ୀ, ଦେବୀ ତ୍ରିପାଠୀ, ରଜନୀ ପଟ୍ଟନାୟକ,ଅଶ୍ୱନି ପାଣି ଗ୍ରାହୀ, ନିରାକାର ସାହୁ,ସୁଧି ମହାପାତ୍ର, ବିଷ୍ଣୁ ପ୍ରଧାନ, ସମେତ ବହୁ ଓକିଲ କେସ ପରିଚାଳନା କରିଥିଲେ।