ଶାନ୍ତି ତପୋବନ ରେ ଗୀତା ଜୟନ୍ତୀ ପାଳିତ

ବରଗଡ଼, (ଯୁଗାବ୍ଦ ନ୍ୟୁଜ):ଶୁକ୍ରବାର ଦିନ ବରଗଡ଼ ଉପକଣ୍ଠ ଚକରକେନ ସ୍ଥିତ ଶାନ୍ତି ତପୋବନ ଆଶ୍ରମ, ମାତୃଛାୟା, ବାନପ୍ରସ୍ଥ ତଥା ନର ନାରାୟଣ ସେବା ମନ୍ଦିର, ଠାରେ ଷୋଡଶ ତମ ଗୀତା ଜୟନ୍ତୀ ମହୋତ୍ସବ ପାଳିତ ହୋଇଯାଇଅଛି l ପଣ୍ଡିତ ବୈଷ୍ଣବ ଷଡ଼ଙ୍ଗୀ ଓ ରତ୍ନାକର ଦେବତା ଙ୍କ ପୌରୋହିତ୍ୟରେ ଅନୁଷ୍ଠିତ ଗୀତା ଜୟନ୍ତୀ ମହୋତ୍ସବରେ କର୍ତା ଭାବେ ଆଶ୍ରମ ର ମୁଖ୍ୟ ଶ୍ରୀ ଦେବଦତ୍ତ ତ୍ରିପାଠୀ ଓ ଧର୍ମପତ୍ନୀ ଜୟନ୍ତୀ କାର୍ଯ୍ୟ ତୁଲାଇ ଥିଲେ l ଗୀତା ଜୟନ୍ତୀ ଵିଧି ଅନୁଯାଇ ପ୍ରଥମେ ସଂକଳ୍ପ କାର୍ଯ୍ୟ ହୋଇ ପଣ୍ଡିତ ରାନ୍ତାକର ଦେବତା ଶାନ୍ତି ପତାକା ଉତ୍ତୋଳନ କରିଥିଲେ ଓ ଗୋ ପୁଜନ ହୋଇ ଜଜ୍ଞ କାର୍ଯ୍ୟ ଆରମ୍ଭ ହୋଇ ସନ୍ଧ୍ୟା ସମୟରେ ପୂର୍ଣ୍ଣାହୁତି ହୋଇଥିଲା l ଆଶ୍ରମ ର ସହ ପରିଚାଳିକା ଲବଙ୍ଗ ସାହୁ ଓ ଅନସୂୟା ଭୋଇ ପ୍ରତ୍ୟେକ କାର୍ଯ୍ୟରେ ସହଯୋଗ କରିଥିବା ବେଳେ ମାତୃଛାୟା ଓ ବାନପ୍ରସ୍ଥ ର ଅନ୍ତେବାସିନୀ ମାନେ ଜଜ୍ଞ କାର୍ଯ୍ୟରେ ସହଯୋଗ କରି ଗୀତା ପାଠ କରିଥିଲେ l