ଶାଳଣିଆଁରେ ଜଳିଗଲା ଧାନଗଦା , ଲକ୍ଷାଧିକ ଟଙ୍କାର ଧାନ ଭସ୍ମୀଭୂତ

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ଅଧିନସ୍ଥ ଶାଳଣିଆଁ ଗ୍ରାମରେ ନିଆଁ ଲାଗି ଏକ ଧାନଗଦା ଜଳିଗଲା । ଆଜି ଅପରାହ୍ନ ୪ଟା ବେଳେ ଘଟିଛି ଏହି ଘଟଣା। ଗ୍ରାମର ବାଇଧର ଶଙ୍ଖୁଆ ବିଲରୁ ଧାନ ଆଣି ନିଜ ଖଳବାଡିରେ ବର୍ଷା ଭୟରେ ବଦାଡି ଦେଇ ସାଇତି କି ରଖିଥିଲେ। ଅପରାହ୍ନ ୪ଟା ବେଳେ ଅକସ୍ମାତ୍ ନିଆଁ ଲାଗି ଧାନ ବଦାଡିଟି ସମ୍ପୂର୍ଣ୍ଣ ପୋଡ଼ି ପାଉଁଶ ହୋଇଛି । ଖବର ପାଇ ହାଟଡିହି ଅଗ୍ନିଶମ ବାହୀନି ପହଞ୍ଚି ନିଆଁକୁ ଆୟତ କରିଥିଲା। ଏହି ଅଗ୍ନିକାଣ୍ଡରେ ୫୦କୁଇଣ୍ଟାଲରୁ ଊର୍ଦ୍ଧ୍ବ ଧାନ ପୋଡି ଯାଇଛି। ଯାହାର ଆନୁମାନିକ ମୂଲ୍ୟ ଦେଢ଼ ଲକ୍ଷ ଟଙ୍କା ହେବ। । ଅଗ୍ନିକାଣ୍ଡର କାରଣ ଜଣା ପଡିନି। ବାଇଧର ଜଣେ ଗରିବ ପରିବାରର କ୍ଷୁଦ୍ର ଚାଷୀ ହୋଇଥିବା ବେଳେ ତାଙ୍କୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ମାନେ ଦାବି କରିଛନ୍ତି।