ଶାଳଣିଆଁରେ ପ୍ରବାଦ ପୁରୁଷ ବିଜୁବାବୁଙ୍କ ୨୬ତମ ଶ୍ରାଦ୍ଧୋତ୍ସବ ପାଳିତ

ହାଟଡ଼ିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ଶାଳଣିଆଁ ଠାରେ ପ୍ରବାଦ ପୁରୁଷ ବିଜୁବାବୁଙ୍କ ୨୬ତମ ଶ୍ରାଦ୍ଧୋତ୍ସବ ପାଳିତ ହୋଇଯାଇଛି । ପୁର୍ବତନ ସମିତିସଭ୍ୟ ବିରେନ୍ଦ୍ର କୁମାର ବିଶ୍ୱାଳଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ରକ୍ରମରେ ଶାଳଣିଆଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିସରରେ ଥିବା ବିଜୁବାବୁଙ୍କ ପ୍ରତିମୃର୍ତ୍ତୀରେ ସ୍ଥାନୀୟ ଅଞ୍ଚଳର ବିଜୁପ୍ରେମୀ ମାନେ ମାଲ୍ୟାର୍ପଣ କରିବା ସହିତ ବିଜୁବାବୁଙ୍କର ନୀତୀ ଆଦର୍ଶ ଉପରେ ଆଲୋକପାତ କରିବା ସହିତ ତାଙ୍କର ସ୍ମୃତିଚାରଣ କରିଥିଲେ । ଏଥିରେ ହାବଳେଶ୍ୱର ପଞ୍ଚାୟତର ସରପଞ୍ଚ ରମାକାନ୍ତ ନାୟକ, ସମିତିସଭ୍ୟ ତାରିଣୀ ପ୍ରସାଦ ସେନାପତି, ଷଡଙ୍ଗ ପଞ୍ଚାତର ସରପଞ୍ଚ ଅନ୍ତର୍ଯ୍ୟାମୀ ଖଣ୍ଡେଇ, ପ୍ରଦୀପ କୁମାର ଜେନା, ବ୍ରଜ କିଶୋର ଜେନା, ଗେଡମା ସରପଞ୍ଚଙ୍କ ପ୍ରତିନିଧି ସୁରେନ୍ଦ୍ର କୁମାର କାଣ୍ଡି, ଅମରବର ସେଠୀ, ନିର୍ମଳ ସେଠୀ, ଶିଶିର ବେହେରା, ରମାକାନ୍ତ ଦ୍ୱିବେଦୀ, ଭ୍ରମରବର ସେଠୀ, ମୀନହରି ପେଡା, ଶିବ ଚରଣ ବେହେରା, ବିଭିଷଣ ଜେନା, ଭଗବାନ ସା, ବିଦ୍ୟାଧର ଜେନା, ଅମୁଲ୍ୟ ଶଙ୍ଖୁଆ, ବାଇଧର ବେହେରା, ଆଦିକନ୍ଦ ଜେନାଙ୍କ ସମେତ ଶତାଧିକ ବିଜୁପ୍ରେମୀ ଉପସ୍ଥିତ ରହି ପ୍ରବାଦ ପୁରୁଷ ବିଜୁବାବୁଙ୍କ ସ୍ମୃତି ଚାରଣ କରିଥିଲେ ।