ଶାଳିଜଙ୍ଗା ସରସ୍ୱତୀ ଶିଶୁ ବିଦ୍ୟାମନ୍ଦିରରେ ଜ୍ଞାନ ବିଜ୍ଞାନ ମେଳା
ନାଉଗାଁ,(ଯୁଗାବ୍ଦ ନ୍ୟୁଜ୍):ନାଉଗାଁ ବ୍ଲକ ଅନ୍ତର୍ଗତ ଶାଳିଜଙ୍ଗାସ୍ଥିତ ସରସ୍ୱତୀ ଶିଶୁ ବିଦ୍ୟାମନ୍ଦିରରେ ବିଦ୍ୟାଳୟସ୍ତରୀୟ ଜ୍ଞାନ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ପ୍ରଧାନ ଆଚାର୍ଯ୍ୟ ବାବୁରାମ ବାରିକଙ୍କ ପୌରହିତ୍ୟରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ପରିଚାଳନା ସମିତିର ସଭାପତି ହଟକେଶ୍ୱର ବିଶ୍ୱାଳ ଯୋଗ ଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ । ତାଙ୍କ ସହିତ ଦୁଃଶାସନ ଜେନା, ପୂର୍ବତନ ଆଚାର୍ଯ୍ୟ ବିଭୁତି ଭୂଷଣ ତ୍ରିପାଠୀ ପ୍ରମୁଖ ଯୋଗଦେଇ ବିଜ୍ଞାନ ଭିତିକ ସାରଗର୍ଭକ ଉପେଦଶାମୃତ ଛାତ୍ରଛାତ୍ରୀମାନଙ୍କୁ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ଶିଶୁ ବର୍ଗ, ବାଲ ବର୍ଗ ଓ କିଶୋର ବର୍ଗକୁ ନେଇ ମୋଟ ୪୦ଟି ପ୍ରକଳ୍ପ ସ୍ଥାନ ପାଇଥିଲା । ଏହି କାର୍ଯ୍ୟକ୍ରମକୁ ବିଜ୍ଞାନାଚାର୍ଯ୍ୟ କୈଳାଶ ଚନ୍ଦ୍ର ମହାରଣା,ବସନ୍ତ କୁମାର ଓଝା ଓ ମାଗୁ ଚରଣ ନାୟକ ପ୍ରମୁଖ ପରିଚାଳନା କରୁଥିବା ବେଳେ ଅତିଥି ପରିଚୟ ବରିଷ୍ଠ ଆଚାର୍ଯ୍ୟ ନାଥ ବିଶ୍ୱାଳ କରିଥିଲେ । ବିଦ୍ୟାଳୟର ଗୁରୁଜୀ ଓ ଗୁରୁମାମାନେ ପରିଚାଳନାରେ ସହଯୋଗ କରିଥିଲେ ।
