ଶିକ୍ଷାବିତଙ୍କ ପରଲୋକ

ହାଟଡିହି, (ବିକାଶ ବିଶ୍ୱାଳ) :-ହାଟଡିହି ବ୍ଲକ ପଞ୍ଚୁଗୋଛିଆ ଗ୍ରାମର ଅବସରପ୍ରାପ୍ତ ପ୍ରଧାନ ଶିକ୍ଷକ ଶାରଙ୍ଗଧର ପାତ୍ରଙ୍କ ୮୨ବର୍ଷ ବୟସରେ ପରଲୋକ ହୋଇଯାଇଛି । ସେ ଛେନାପଦି, ଗୋପାଳପୁର, ଶଙ୍ଖଣା, ପଞ୍ଚୁଗୋଛିଆ, ତରଭା ଆଦି ବିଦ୍ୟାଳୟରେ ଶିକ୍ଷକତା କରିବାପରେ ଚାକିରୀରୁ ଅବସର ନେଇଥିଲେ । ଅବସରପରେ ସେ ଗ୍ରାମର ବିଭିନ୍ନ ସାମାଜିକ ଅନୁଷ୍ଠାନ ସହିତ ଜଡିତ ଥିଲେ । ଗତ ଶନିବାର ଅପରାହ୍ନ ୩ଟାବେଳେ ତାଙ୍କର ହୃଦଘାତରେ ପରଲୋକ ଘଟିଥିଲା । ତାଙ୍କ ମୃତ୍ୟୁ ଶଯ୍ୟା ନିକଟରେ ପୁଅ ଅଜୟ ପାତ୍ର, ବିଜୟ ପାତ୍ର, ନାତି ବଳରାମ ସା, ଭୀମସେନ ସା,ଦୀପକ ବିଶ୍ୱାଳ, ପୁପୁନୁ ପାତ୍ର, ନାତୁଣୀ ଝୁନୁଲତା ସା, ଭାଇ ଚାନ୍ଦିଆ ମୁଦୁଲି, ରବିନ୍ଦ୍ର ମୁଦୁଲି, ଝିଅ କନକଲତା ସା, ମନ୍ଦୋଦରୀ ବିଶ୍ୱାଳ, ଯାତ୍ରୀ ବଳ ପ୍ରମୁଖ ଉପସ୍ଥିତ ଥିଲେ । ତାଙ୍କ ପରଲୋକ ଖବରପାଇ ପଞ୍ଚୁଗୋଛିଆ ପଞ୍ଚାୟତର ବହୁ ମାନ୍ୟଗଣ୍ୟ ବ୍ୟକ୍ତି ତାଙ୍କ ବାସଭବନରେ ପହଞ୍ଚି ଶେଷଦର୍ଶନ କରିଥିଲେ । ପରେ ତାଙ୍କ ମରଶରୀରକୁ ଏକ ଶୋଭାଯାତ୍ରାରେ ଗ୍ରାମ ପରିକ୍ରମା କରାଇବାପରେ ବୈତରଣୀ ନଦୀକୁଳରେ ଶେଷକୃତ୍ତ୍ୟ ସମ୍ପର୍ଣ୍ଣ କରାଯାଇଥିଲା । ପୁଅ ଅଜୟ ପାତ୍ର ମୁଖାଗ୍ନି ଦେଇଥିଲେ ।