ଶିକ୍ଷାବିତ୍ ସୁବାସ ଚନ୍ଦ୍ର ମିଶ୍ରଙ୍କ ସ୍ମୃତିସଭା
ବେଗୁନିଆ (ଜୁଗାବ୍ଦ ନ୍ୟୁଜ୍):ବିଶିଷ୍ଠ ଶିକ୍ଷାବିତ ସୁବାସ ଚନ୍ଦ୍ର ମିଶ୍ରଙ୍କ ସ୍ମୃତିଚାରଣ ସଭା ତାଙ୍କ ବେଗୁନିଆସ୍ଥିତ ବାସଭବନରେ ଅନୁଷ୍ଠିତ ହୋଇଯାଇଛି । ଅଞ୍ଚଳର ବୟୋଜ୍ୟେଷ୍ଠ ଶିକ୍ଷାବିତ ଅନନ୍ତ ଚରଣ ପ୍ରହରାଜଙ୍କ ସଭାପତିତ୍ୱରେ ଅନୁଷ୍ଠିତ ସ୍ମୃତିଚାରଣ ସଭାରେ ଶିକ୍ଷାବିତ କୁଳମଣୀ ମିଶ୍ର, ନଳୀନିକାନ୍ତ ପଣ୍ଡା, ଭାଗିରଥି ପରିଡ଼, ସୁରେନ୍ଦ୍ର ସୁବୁଦ୍ଧି, ଉପେନ୍ଦ୍ର ଦାସ, ଦୀନବନ୍ଦୁ ପଣ୍ଡା, ବସନ୍ତ କୁମାର ପ୍ରହରାଜଙ୍କ ସମେତ ସରସ୍ୱତୀ ଶିଶୁମନ୍ଦିରର ସଂକୁଳ ପ୍ରମୁଖ, ଖୋର୍ଦ୍ଧା ଅଞ୍ଚଳର ବହୁ ସଚେତନ ନାଗରିକ ଓ ପୁରାତନ ଛାତ୍ରଛାତ୍ରୀ ଯୋଗ ଦେଇ ସ୍ୱର୍ଗତ ମିଶ୍ରଙ୍କ ସ୍ମୃତିଚାରଣ କରିଥିଲେ । ଶିକ୍ଷାବିତ ରାଜ ପାଣିଗ୍ରାହୀ ସ୍ମୃତିଚାରଣ ସଭା ସଂଯୋଜନା କରିଥିବା ବେଳେ ସ୍ୱର୍ଗତ ମିଶ୍ରଙ୍କ ପୁଅ ସମ୍ବିତ ମିଶ୍ର ଅତିଥି ପରିଚୟ ଓ ଝିଅ ମନିଷା ମିଶ୍ର ଧନ୍ୟବାଦ ଅର୍ପଣ କରିଥିଲେ ।
