ଶିକ୍ଷାବିତ ପରମାନନ୍ଦ ଦେଓଙ୍କ ପରଲୋକ

ହାଟଡ଼ିହି, (ବିକାଶ ବିଶ୍ୱାଳ):କେନ୍ଦୁଝର ଜିଲ୍ଲା ହାଟଡିହି ବ୍ଲକ ଡଅଁର ଗ୍ରାମର ଶିକ୍ଷାବିତ ପରମାନନ୍ଦ ଦେଓଙ୍କ ୭୩ବର୍ଷ ବୟସରେ ପରଲୋକ ହୋଇଯାଇଛି । ସେ ଏକାଧାରରେ ଜଣେ ଆଦର୍ଶ ଶିକ୍ଷକ, ପରୋପକାରୀ, ସମାଜସେବୀ, ଧର୍ମପରାୟଣ ବ୍ୟକ୍ତି ଭାବେ ପରିଚିତ ଥିଲେ । ଏପରିକି ସେ ଚାକିରୀରୁ ଅବସର ନେବାପରେ ଗ୍ରାମର ବିଭିନ୍ନ ସାମାଜିକ, ସାଂସ୍କୃତିକ ଓ ଧାର୍ମିକ ଅନୁଷ୍ଠାନ ସହିତ ମଧ୍ୟ ଜଡିତ ଥିଲେ । ତାଙ୍କ ପରଲୋକରେ ସମଗ୍ର ଡଅଁର ପଞ୍ଚାୟତରେ ଶୋକର ଛାୟା ଖେଳିଯାଇଛି । ତାଙ୍କ ପରଲୋକ ଖବର ପ୍ରଚାରିତ ହେବାମାତ୍ରେ ରଞ୍ଜନ ଦେଓ, ପ୍ରତାପ ଦେଓ, ବିରେନ୍ଦ୍ର ବିଶ୍ୱାଳ, ରଙ୍ଗାଧର ମଲ୍ଲିକ, ଯୋଗେନ୍ଦ୍ର ବେହେରା, ସୁରେନ୍ଦ୍ର କାଣ୍ଡି, ଅମରବର ସେଠୀଙ୍କ ସମେତ ପଞ୍ଚାୟତର ବିଭିନ୍ନ ଗ୍ରାମରୁ ଶତାଧିକ ମାନଗଣ୍ୟ ବ୍ୟକ୍ତି ତାଙ୍କ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ । ପରେ ତାଙ୍କ ମରଶରୀରକୁ ଗ୍ରାମ ପରିକ୍ରମା କରାଇବା ପରେ ଗାଁ ସ୍ମଶାନରେ ଶେଷକୃତ୍ତ୍ୟ ସମ୍ପର୍ଣ୍ଣ କରାଯାଇଥିଲା । ୧ବଡପୁଅ ବାପୁ ଦେଓ ମୁଖାଗ୍ନୀ ଦେଇଥିବାବେଳେ ସାନପୁଅ ପପୁ ଦେଓଙ୍କ ସମେତ ସମସ୍ତ ପରିବାରବର୍ଗ ଓ ବନ୍ଧୁପରିଜନ ସଂସ୍କାର କାର୍ଯ୍ୟରେ ସାମିଲ ହୋଇଥିଲେ ।